ലിവര്പൂള്: ആഴ്സണലിനെതിരായ മത്സരത്തിനിടെ ലിവര്പൂള് താരവും കറുത്തവര്ഗ്ഗക്കാരനുമായ ഡിവോക് ഒറിഗിക്കെതിരെയാണ് ബാനറിലൂടെ അധി്ക്ഷേപം നടന്നതെന്ന് ലിവര്പൂള് ക്ലബ്ബ് അധികൃതര് പറഞ്ഞു. തങ്ങളുടെ ആരാധകരെന്ന് അവകാശപ്പെടുന്നവരാണ് എതിര്ടീമുകളുടെ താരങ്ങളെ മാനസികമായി തളര്ത്താന് ഇത്തരം നീചമായ പ്രവൃത്തികള് ചെയ്യുന്നതെന്ന് ലിവര്പൂള് അധികൃതര് പരാതിയില് പറഞ്ഞു.
‘കളി നടന്നുകൊണ്ടിരിക്കെ ഉയര്ത്തികാട്ടിയ ബാനറില് ഒറിഗയുടെ ചിത്രമാണ് ഉണ്ടായിരുന്നത്. ആ ചിത്രം വര്ണ്ണവിവേചനം ധ്വനിപ്പിക്കുന്നതാണ്. ബാനര് പക്ഷേ ഉടനെ മാറ്റിയതായും കാണപ്പെട്ടു. എന്നാലും ഇത്തരം അവഹേളനങ്ങള് ഒരു വിധത്തിലും അംഗീകരിക്കാന് പറ്റുന്നതല്ല’ ലിവര്പ്പൂള് മാനേജര് പറഞ്ഞു. പരാതികള് മേര്സിസൈഡ് പോലീസാണ് അന്വേഷിക്കുന്നത്.
നഗ്നമായ ഒരു ശരീരത്തിന്റെ കൂടെ ഒറിഗിയുടെ തല ഒട്ടിച്ചുചേര്ത്ത ചിത്രവും കൂട്ടത്തില് ചാമ്പ്യന്സ് ട്രോഫിയുടെ ചിത്രവും ചേര്ത്താണ് ബാനര് തയ്യാറാക്കി പ്രദര്ശിപ്പിച്ചത്.പരാതികള് ബെല്ജിയത്തിലെ പോലീസ് വകുപ്പുമായി ചേര്ന്ന് അന്വേഷിക്കുമെന്ന് മെഴ്സിസൈഡ് പോലീസ് അറിയിച്ചു.
ഏകദേശം 10 വര്ഷം ബെല്ജിയത്തിലെ ഗെന്ക് ഫുട്ബോള് ക്ലബ്ബിലാണ് ഒറിഗി കളിച്ചിരുന്നത്.അതിനുശേഷം ലിവര്പ്പൂളിലേയ്ക്ക് ചേക്കേറിയത് ഗെന്ക് ആരാധകരെ ചൊടിപ്പിച്ചതാവാമെന്നാണ് ലിവര്പൂള് പറയുന്നത്. സ്പിരിറ്റ് ഓഫ് ഷാന്കിലി എന്ന ആരാധക വിഭാഗത്തില് ന്ിന്നാണ് ബാനര് ഉയര്ന്നത്. അത് മാധ്യമങ്ങളുടെ ശ്രദ്ധയില്പ്പെട്ടതോടെ സംഘാടകര് ബാനര് മാറ്റുകയും മാപ്പ് പറയുകയും ചെയ്തു. ‘ ഫുട്ബോള് ലോകസമൂഹത്തിന്റെ ഭാഗമാണ്.അതിനാല് ഒരു വിഭാഗം ജനങ്ങളേയും മുറിപ്പെടുത്തുന്ന ഒന്നും അനുവദിക്കില്ല’ ഷാന്ക്ലി അധികൃതര് വ്യക്്തമാക്കി.
പരാതിയില് അടിസ്ഥാനമുണ്ടെന്ന് കണ്ടെത്തിയാല് ലിവര്പൂളിനെതിരെ യുവേഫാ നടപടി ഉണ്ടാകും. അങ്ങിനെയെങ്കില് അടുത്ത യൂറോപാ ലീഗിലെ ലിവര്പൂളിന്റെ മത്സരത്തിലെ അവര്ക്ക് അവകാശപ്പെട്ട 3000 സീറ്റുകള് ആരാധകരെ കയറ്റാന് അനുവദിക്കില്ല. ആ ഭാഗത്തെ പ്രവേശനം നിഷേധിക്കുമെന്നതാണ് യുവേഫാ നടപടി.
