ദിവസങ്ങളും മാസങ്ങളുമൊക്കെ മറന്ന് ഒടുവില് ആരെയും തിരിച്ചറിയാന് കഴിയാത്ത അവസ്ഥയാണ് അള്ഷിമേഴ്സ് അഥവാ സ്മൃതിഭൃംശം. ജീവിത ശൈലീ രോഗങ്ങളെ പോലെ ഏറ്റവും കൂടുതല് ഭീഷണി ഉയര്ത്തുന്ന രോഗമാണ് അല്ഷിമേഴ്സ്. ലോകത്തില് ഏഴ് സെക്കന്റില് ഒരാള് അള്ഷിമേഴ്സ് രോഗത്തിനടിമയാകുന്നുവെന്നാണ് ലോകാരോഗ്യ സംഘടനയുടെ കണക്കുകള് വ്യക്തമാക്കുന്നത്.
അല്ഷിമേഴ്സ് രോഗത്തിന് മരുന്നു കണ്ടുപിടിച്ചിരിക്കുകയാണ് ചൈന. അല്ഷിമേഴ്സിനെ പ്രതിരോധിക്കാന് gv-971 എന്ന മരുന്നാണ് ചൈന വികസിപ്പിച്ചത്. 20 വര്ഷത്തെ ശ്രമഫലമായാണ് മരുന്ന് കണ്ടെത്തിയത്. ചൈന നാഷണല് മെഡിക്കല് പ്രൊഡക്റ്റ് അഡ്മിനിസ്ട്രേഷന് മരുന്നിന് അനുമതിയും നല്കിയിട്ടുണ്ട്.
ക്ലിനിക്കല് ട്രയലിന് ശേഷം മാത്രമെ മരുന്ന് വിപണിയിലെത്തു. ഷാങ്ഹായി ആസ്ഥാനമായ കമ്പനിയാവും മരുന്ന് വിപണിയിലെത്തിക്കുന്നത്. കടല്പ്പായലുകളെ അടിസ്ഥാനമാക്കി വികസിപ്പിച്ച ഒലിഗോമനേറ്റ് gv-971 എന്ന മരുന്നിന് മൈല്ഡ് അല്ഷിമേഴ്സിനെയും മോഡറേറ്റ് അല്ഷിമേഴ്സിനെയും ഫലപ്രദമായി ചികിത്സിച്ചു മാറ്റാന് കഴിയുമെന്നാണ് ചൈന ഡ്രഗ് സേഫ്റ്റി വൃത്തങ്ങള് വിശദീകരിക്കുന്നത്.
ഭക്ഷണത്തില് സ്ഥിരമായി കടല്പായല് ഉള്പ്പെടുത്തുന്നവര്ക്ക് ഓര്മ്മക്കുറവിനെ പ്രതിരോധിക്കാനാവുമെന്ന് പഠനങ്ങള് വ്യക്തമാക്കിയിട്ടുണ്ട്. അല്ഷിമേഴ്സ് ചികിത്സാ രംഗത്ത് മികച്ച നേട്ടമായിരിക്കും മരുന്നിന്റെ കണ്ടുപിടുത്തംമെന്നാണ് ഗവേഷകരുടെ പ്രതീക്ഷ. മരുന്നിന് എന്തെങ്കിലും തരത്തിലുള്ള പാര്ശ്വഫലങ്ങള് ഉണ്ടെങ്കില് വിപണിയില് നിന്നും പിന്വലിക്കുമെന്നും ഗവേഷക സംഘം അറിയിച്ചു.
അല്ഷിമേഴ്സ് രോഗ ബാധിതരായ 20 ലക്ഷത്തോളം പേര്ക്ക് പുതിയ മരുന്ന് സഹായകകരമാകുമെന്നാണ് ഗവേഷക സംഘത്തിന്റെ പ്രതീക്ഷ.