India

വിധിയോട് യോജിക്കില്ലെന്ന് അബ്ദുൾ നാസർ മദനി ; വർഗീയമായി പ്രതികരിച്ച് കമന്റുകൾ , ജനങ്ങളെ വൈകാരികമായി പ്രതികരിക്കാൻ പ്രേരിപ്പിക്കുന്ന പോസ്റ്റ് വിചാരണ തടവിൽ നിന്ന്

ബംഗളൂരു ; അയോദ്ധ്യക്കേസിൽ തർക്കഭൂമി രാമക്ഷേത്രം നിർമ്മിക്കാൻ വിട്ടു നൽകിയ സുപ്രീം കോടതി വിധിയോട് യോജിക്കാനാവില്ലെന്ന് പിഡിപി ചെയര്‍മാന്‍ അബ്ദുള്‍ നാസര്‍ മദനി . ബാംഗ്ലൂര്‍ സ്‌ഫോടന കേസില്‍ വിചാരണ നേരിടുന്ന അബ്ദുള്‍ നാസര്‍ മദനി പൊലീസ് സംരക്ഷണയിൽ ആശുപത്രിയിൽ കഴിയുന്നതിനിടയ്ക്കാണ് ജനങ്ങളെ വൈകാരികമായി പ്രതികരിക്കാൻ പ്രേരിപ്പിക്കുന്ന പ്രതികരണം നടത്തിയത് .

ഹൃദയ രക്തത്തിന് തുല്യമായ രണ്ടിറ്റു കണ്ണീരോടെയാണ് വിധി കേൾക്കുന്നതെന്ന് പറഞ്ഞ മദനി വിധിയോട് വിയോജിക്കാൻ ജനാധിപത്യാവകാശം ഉണ്ടെന്നും ഫെയ്സ്ബുക്ക് പോസ്റ്റിൽ പറയുന്നു . പ്രകോപനങ്ങൾക്ക് ആരും വശംവദരാകാതിരികരുത് എന്ന നിർദേശത്തിനൊപ്പമാണ് വൈകാരികമായ ഈ പ്രതികരണമെന്നതും ശ്രദ്ധേയം .

പോസ്റ്റിനു വന്നിരിക്കുന്ന കമന്റുകളിൽ പലതും വർഗ്ഗീയത നിറഞ്ഞതാണ് . ബാബറി മസ്ജിദിന് തുല്യം ബാബറി മാത്രമാണെന്നും , അതിന് പകരം ആയിരംപള്ളികൾ മാറ്റി നിർമ്മിച്ചാലും ബാബറിയ്ക്ക് തുല്യമാവില്ല , നിയമ സംവിധാനത്തെ ഹിന്ദുത്വ ബോധം വിഴുങ്ങി തുടങ്ങിയ വർഗ്ഗീയ കമന്റുകളും പോസ്റ്റിനു വരുന്നുണ്ട് .

അയോദ്ധ്യ കേസ് വിധിയുമായി ബന്ധപ്പെട്ട് ജനങ്ങൾക്കിടയിൽ പരസ്പരം ആശങ്കയും സ്പർദ്ധയും വിദ്വേഷവുമുണ്ടാക്കാൻ പാകത്തിലുള്ളതോ അത്തരത്തിലുള്ള ചിന്ത ഉണർത്തുന്നതോ പ്രകോപനമുണ്ടാക്കുന്നതോ ആയ പോസ്റ്റുകൾക്കും എതിരെ നടപടിയെടുക്കുമെന്ന നിർദേശം നിലനിൽക്കെയാണ് മദനിയുടെ പോസ്റ്റ് , അതും വിചാരണ തടവിൽ നിന്ന് വന്നിരിക്കുന്നത് .

3K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close