മുംബൈ: ബിസിസിഐയുടെ പൊതു നിയമങ്ങളിലും ലോധ കമ്മറ്റി റിപ്പോര്ട്ടിലും മാറ്റം വരുത്തുമെന്ന് സൂചന. വരുന്ന ഡിസംബര് ഒന്നാം തീയതി നടക്കുന്ന വാര്ഷിക പൊതുയോഗത്തില് ഭാരവാഹികളുടെ കാലാവധിയടക്കം പുന:പ്പരിശോധിക്കാനാണ് സൗരവ് ഗാംഗുലിയുടെ നേതൃത്വത്തിലുള്ള പുതിയ ഭരണസമിതിയുടെ തീരുമാനം.
കാലാവധിയുടെ കാര്യത്തില് ലോധ കമ്മറ്റി റിപ്പോര്ട്ട് പ്രകാരം ദീര്ഘകാലം തുടര്ന്നവര് മാറിനില്ക്കണമെന്ന വ്യവസ്ഥ മാറ്റണമെന്നതാണ് ഒരു നിര്ദ്ദേശം. നിലവില് ആറു വര്ഷം ബിസിസിഐയിലോ മറ്റേതെങ്കിലും ക്രിക്കറ്റ് അസോസിയേഷനിലോ ഭാരവാഹിത്വം വഹിച്ചവര് 3 വര്ഷം ചുമതലകളില് നിന്ന് മാറി നില്ക്കണമെന്നതാണ് ഒരു വ്യവസ്ഥ.
കൂളിംഗ് പീരിയഡ് എന്നറിയപ്പെടുന്ന ഈ തീരുമാനം മാറ്റാനുള്ള ആഗ്രഹമാണ് ഭൂരിപക്ഷത്തിന്റേതായി വരാന് സാധ്യത. കമ്മീഷന് തീരുമാനത്തില് വരുത്തണ്ട മാറ്റത്തില് തീരമാനമെടുക്കേണ്ടത് സുപ്രീംകോടതിയാണ്.
മറ്റൊരു വ്യവസ്ഥ നിലവിലെ ബിസിസിഐ പ്രസിഡന്റിന്റേയും സെക്രട്ടറിയുടേയും കാലാവധി സംബന്ധിച്ചാണ്. നിലവിലത് ഒരു വര്ഷമാണ്. നിരവധി തീരുമാനങ്ങളെടുക്കേണ്ട സമിതിയുടെ തലപ്പത്ത് കുറഞ്ഞത് 3 വര്ഷമെങ്കിലും വേണമെന്ന നിലപാടാണ് ഗാംഗുലി അടക്കമുള്ളവരുടേത്.
ഇനി ആകെ 10 മാസമാണ് ഇവരുടെ മുന്നിലുള്ളതെന്ന യാഥാര്ത്ഥ്യവും യോഗത്തില് ചര്ച്ചയാകുമെന്നാണ് അസോസിയേഷന് പ്രതിനിധികള് പറയുന്നത്.ഗാംഗുലിയുടെ വരവ് ഏവരും പ്രതീക്ഷയോടെ സ്വാഗതം ചെയ്തതും പുതിയ തീരുമാനങ്ങള് വരാനുള്ള സാധ്യത കൂട്ടുകയുമാണ്.
