ദുഷാന്ബേ(താജിക്കിസ്ഥാന്) : ലോകക്കപ്പ് യോഗ്യതാ മത്സരങ്ങളുടെ ഏഷ്യന് മേഖലാ പോരാട്ടത്തില് ഇന്ത്യ ഇന്ന് അഫ്ഗാനിസ്ഥാനെ നേരിടും.ഗ്രൂപ്പ് ഇ യിലെ മത്സരമാണ് നടക്കുന്നത്.
ഇന്ന് നടക്കുന്ന മത്സരം അഫ്ഗാനിലെ ദുഷാന്ബേയിലാണ് നടക്കുക. ആദ്യമത്സരത്തില് ഏഷ്യന് ചാമ്പ്യന്മാരെ സെപ്തംബറില് ഗോള്രഹിത സമനിലയില് തളച്ച ഇന്ത്യ രണ്ടാം മത്സരത്തില് ബംഗ്ലാദേശിനെ തോല്പിച്ചിരുന്നു. മൂന്നാം മത്സരത്തില് ശക്തരായ ഒമാനെതിരെ 2-1ന് പൊരുതി തോറ്റശേഷമാണ് ഇന്ത്യ ഇന്നിറങ്ങുന്നത്.
ഇന്ന് വൈകിട്ട് 7.30നാണ് മത്സരം നടക്കുക.കടുത്ത തണുപ്പില് കളിക്കേണ്ടിവരുന്നു എന്ന വെല്ലുവിളി ഇന്ത്യന് നിരയെ അലട്ടുന്നുണ്ട്.മുന്പ് 2013ല് സാഫ് ഫുട്ബോളില് 2-0ന് അഫ്ഗാന് ഇന്ത്യയെ തോല്പിച്ച ചരിത്രമുണ്ട്.നിലവില് ഒരു ജയവും രണ്ടുതോല്വികളുമായാണ് അഫ്ഗാന് നില്ക്കുന്നത്. ബംഗ്ലാദേശിനെ 1-0ന് തോല്പ്പിച്ചെങ്കിലും ഒമാനോട് 0-3നും ഖത്തറിനോട് 0-6നും തകര്ന്നടിഞ്ഞിരുന്നു.
ഇന്നത്തെ കളിയില് അഫ്ഗാനെതിരെ ജയം ഇന്ത്യക്ക് അനിവാര്യമാണ്. ലോകറാങ്കിങ്ങില് അഫ്ഗാന് 149-ാം സ്ഥാനത്തും ഇന്ത്യ 109-ാം റാങ്കിംഗിലുമാണ്. ഇന്ത്യയും അഫ്ഗാനും, ഖത്തറും ഒമാനും ബംഗ്ലാദേശും അടങ്ങുന്ന ഗ്രൂപ്പ് ഇ യിലാണുള്ളത്. ഇന്ത്യന് ഫുട്ബോള് ടീമിന്റെ രണ്ടാംമത്സരം ഒമാനെതിരെ 19-ാം തീയതി മസ്ക്കറ്റില് നടക്കും.
നിലവില് 10 പോയിന്റുകളോടെ ഖത്തറാണ് മുന്നില്. 6 പോയ്ന്റുകളോടെ ഒമാനാണ് രണ്ടാംസ്ഥാനത്ത്. അഫ്ഗാന് 6 പോയിന്റും ബംഗ്ലാദേശിനെ ആദ്യമത്സരത്തില് തോല്പിച്ചതിനാല് അഫ്ഗാനും ഇന്ത്യയ്ക്കും 2 പോയിന്റുകള് വീതമാണുള്ളത്.
