പൂച്ച പ്രേമികൾക്ക് ഒരു സന്തോഷ വാർത്ത . നിങ്ങൾക്കിനി പൂച്ചയെ തൊഴാം , പൂച്ചപ്പൂജാരിയിൽ നിന്ന് പ്രസാദം വാങ്ങാം . ജപ്പാനിലാണ് ഈ ക്ഷേത്രം . പൂച്ചയോടുള്ള ഇഷ്ടം മൂത്താണ് അവർ പൂച്ചയ്ക്കായി ക്ഷേത്രം ഒരുക്കിയത് .
ജപ്പാനിലെ ക്യോട്ടോ എന്ന സ്ഥലത്താണ് പൂച്ച ക്ഷേത്രം . ന്യാൻ ന്യാൻ ജി എന്നാണ് ക്ഷേത്രത്തിന്റെ പേര് . പച്ചമലയാളത്തിൽ പറഞ്ഞാൻ മ്യാവൂ മ്യാവൂ എന്നാണതിന്റെ അർത്ഥം . 2016ലാണ് ഈ ക്ഷേത്രം തുടങ്ങിയത്. തോരു കായ എന്ന ചിത്രകാരനാണ് ഈ ആശയത്തിനു പിന്നിലെ ബുദ്ധികേന്ദ്രം.
പൂച്ചകളുടെ ശിൽപ്പങ്ങളും ചുവർ ചിത്രങ്ങളും പ്രതിമകളുമൊക്കെയാണ് ക്ഷേത്രത്തിൽ ഉള്ളത്. കൊയൂകി ഈ ക്ഷേത്രത്തിലെ മൂന്നാമത്തെ മുഖ്യപൂജാരിയാണ്. തന്നെ കാണാനെത്തുന്ന ഭക്തരെ കൊയൂകിക്കും സഹായികൾക്കും വലിയ കാര്യമാണ്. മനുഷ്യരുമായി വളരെ ഇണക്കമുള്ള സ്വഭാവമാണ് കൊയൂകിയ്ക്ക്.
കൊയൂകി എന്ന പൂച്ചയാണ് ക്ഷേത്രത്തിലെ പൂജാരി . കൊയൂകിയുടെ അനുഗ്രഹം വാങ്ങാൻ ഒട്ടേറെ ആളുകളാണ് ഇവിടെ എത്തുന്നത് . കൊയൂകിയ്ക്കൊപ്പം വാക, ചിൻ, അരുജി, റെൻ, കൊനാറ്റ്സു, ചിചി എന്നീ ആറ് പൂച്ചകൾ കൂടി ഈ ക്ഷേത്രത്തിലുണ്ട് .
