വീട്ടില് ഗ്യാസ് സിലണ്ടര് ഉപയോഗിക്കുന്നവരാണ് എല്ലാവരും. എന്നാല് ഗ്യാസ് സിലണ്ടര് ലീക്ക് ആവുമ്പോള് ചെയ്യേണ്ടത് എന്താണെന്നതിനെ കുറിച്ച് പലര്ക്കും കൃത്യമായ ധാരണയില്ല. തീ പടരുന്നത് കണ്ടാല് എന്തു ചെയ്യണമെന്നറിയാതെ ചിലര് പകച്ചു നില്ക്കും. മറ്റു ചിലര് അടുക്കളയില് നിന്നും ഇറങ്ങി ഓടും.
സിലണ്ടറില് ദ്രാവക രൂപത്തിലാണ് ഗ്യാസ് നിറച്ചിരിക്കുന്നത്. സാധാരണ പാചക വാതക ഗ്യാസിന് മണമില്ല. ചോര്ച്ച അറിയാനായാണ് ഗ്യാസിന് മണം നല്കിയിരിക്കുന്നത്. ഗ്യാസില് നിന്നും പതിവില് കൂടുതല് ഗന്ധം വരുന്നുണ്ടെങ്കില് ഗ്യാസിന് ചോര്ച്ചയുണ്ടെന്ന് മനസിലാക്കണം. ഗ്യാസ് ചോര്ന്നുവെന്ന കണ്ടാല് വെന്റിലേറ്ററുകളും വാതിലുകളും തുറന്നിടണം. തീ ഉണ്ടാകുന്നത് ചെറിയ രീതിയില് ആണെങ്കില് പൊട്ടിത്തെറിക്കാന് സാധ്യത കൂടുതലാണ്.
ചോര്ച്ച ഉണ്ടായാല് ഒരിക്കലും ഗ്യാസ് വലിച്ചിഴച്ച് കൊണ്ടു പോകരുത്. ഗ്യാസ് സിലണ്ടര് വലിച്ചു കൊണ്ടു പോയാല് തറയുമായി ഉരസി സ്പാര്ക്ക് ഉണ്ടാകാന് കാരണമാകും. അതുകൊണ്ടു തന്നെ ഉയര്ത്തി കൊണ്ടു വേണം ഗ്യാസ് കുറ്റി പുറത്തു വെക്കേണ്ടത്. ലിക്വിഡ് പെട്രോളിയം പുറത്തു വന്ന് ഓക്സിജന്റെ സഹായത്തോടെയാണ് ഗ്യാസ് കത്തുന്നത്. അതിനാല് ഓക്സിജന്റെ സാന്നദ്ധ്യം ഒഴിവാക്കാന് നനഞ്ഞ തുണിയോ ചാക്കോ ഇട്ട് കുറ്റി തണുപ്പിച്ച ശേഷം വേണം കുറ്റി പുറത്തു വെയ്ക്കാന്.
ഗ്യാസിന് ചോര്ച്ച ഉണ്ടെന്ന് തോന്നിയാല് വീട്ടിലെ ഇലക്ട്രിക് ഉപകരണങ്ങള് ഓഫ് ചെയ്യാനും പുതുതായി സ്വിച്ച് ഇടാതിരിക്കാനും ശ്രദ്ധിക്കണം. പാചകത്തിന് ശേഷം എപ്പോഴും ഗ്യാസ് സിലണ്ടര് ഓഫ് ചെയ്ത് വെയ്ക്കാന് പ്രത്യേകം ശ്രദ്ധിക്കണം.
