മുംബൈ: മഹാരാഷ്ട്രയില് നാടകീയ നീക്കം. എന്സിപി പിന്തുണയോടെ ദേവേന്ദ്ര ഫഡ്നാവിസ് മഹാരാഷ്ട്ര മുഖ്യമന്ത്രിയായി സത്യപ്രതിജ്ഞ ചെയ്തു അധികാരമേറ്റു. എന്സിപി നേതാവ് അജിത് പവാര് ഉപമുഖ്യമന്ത്രിയാവും.
എന്സിപി-ശിവസേന-കോണ്ഗ്രസ് ത്രികക്ഷി സര്ക്കാര് പ്രഖ്യാപനം ഇന്ന് വരുന്നതിന് തൊട്ടു മുമ്പാണ് മഹാരാഷ്ട്രയില് നാടകീയ രംഗങ്ങള് അരങ്ങേറിയത്. ഉദ്ധവ് താക്കറെയെ മുഖ്യമന്ത്രിയാക്കാനുള്ള തീരുമാനം കഴിഞ്ഞ ദിവസം ഡല്ഹിയില് ചേര്ന്ന യോഗത്തിലാണ് ധാരണയായത്. എന്സിപി മറു കണ്ടം ചാടിയതോടെ കോണ്ഗ്രസ് വന് തിരിച്ചടിയാണ് നേരിട്ടത്.
അനുരജ്ഞന ചര്ച്ചയുമായി രാത്രി ഫഡ്നാവിസ് പവാറുമായി ബന്ധപ്പെട്ടിരുന്നു. തുടര്ന്ന് പുലര്ച്ചയോടെയാണ് എന്സിപി ബിജെപിയുമായി സഖ്യധാരണയുണ്ടായത്. പുലര്ച്ചെ 6 മണിയോടെയാണ് രാഷ്ട്രപതി ഭരണം പിന്വലിച്ചത്.
ജനങ്ങളുടെ പിന്തുണ ബിജെപിക്ക് ആണെന്ന് മുഖ്യമന്ത്രി ഫഡ്നാവിസ് പ്രതികരിച്ചു. വേണ്ടത് സ്ഥിരതയുള്ള സര്ക്കാരാണെന്ന് അജിത് പവാര് അറിയിച്ചു.
മഹാരാഷ്ട്രയുടെ ശോഭനഭാവിയ്ക്കായി ഒന്നിച്ചു പ്രവര്ത്തിക്കണമെന്ന് പ്രധാനമന്ത്രി നരേന്ദ്രമോദി അറിയിച്ചു.
തിരഞ്ഞെടുപ്പില് ബിജെപിക്ക് 105, ശിവസേനയ്ക്ക് 56, കോണ്ഗ്രസ് 44, എന്സിപി 54 , മറ്റുള്ളവര് 29 എന്നിങ്ങനെയാണ് സീറ്റുകളാണ് ലഭിച്ചത്. എന്സിപി പിന്തുണയോടെ 159 സീറ്റുകളാണ് ബിജെപിക്ക് ലഭിക്കുക. അധികാരത്തിലേറാന് 144 സീറ്റുകളാണ് വേണ്ടത്.
