ഐച്ചി-നഗോയ (ജപ്പാന്): സെപ്റ്റംബര് 19 മുതല് ഒക്ടോബര് 4 വരെ ജപ്പാനില് നടക്കുന്ന ഏഷ്യന് ഗെയിംസിലെ കബഡി മത്സരങ്ങളുടെ ഗ്രൂപ്പ് നറുക്കെടുപ്പ് പ്രഖ്യാപിച്ചു. വനിതാ വിഭാഗത്തില് നിലവിലെ ചാമ്പ്യന്മാരായ ഇന്ത്യയ്ക്ക് കരുത്തരായ ഇറാനൊപ്പം ഗ്രൂപ്പ് ലഭിച്ചപ്പോള്, പുരുഷ വിഭാഗത്തില് ഇന്ത്യയും ഇറാനും വ്യത്യസ്ത ഗ്രൂപ്പുകളിലായി.
പുരുഷ വിഭാഗത്തില് ഇന്ത്യ, ബംഗ്ലാദേശ്, ദക്ഷിണ കൊറിയ, ചൈനീസ് തായ്പെയ്, ജപ്പാന് എന്നിവര്ക്കൊപ്പമാണ് ഗ്രൂപ്പ് എയില് ഇടംപിടിച്ചത്. നിലവിലെ വെള്ളിമെഡല് ജേതാക്കളായ ഇറാന് നേപ്പാള്, തായ്ലന്ഡ്, പാകിസ്താന്, മലേഷ്യ എന്നിവരടങ്ങുന്ന ഗ്രൂപ്പ് ബിയിലാണ്.
വനിതാ വിഭാഗത്തില് ഇന്ത്യ, ഇറാന്, ജപ്പാന്, ബംഗ്ലാദേശ് എന്നിവരാണ് ഗ്രൂപ്പ് എയില്. 2022 ഏഷ്യന് ഗെയിംസില് സ്വര്ണം നേടിയ ഇന്ത്യയ്ക്ക് ഇത്തവണ ഗ്രൂപ്പ് ഘട്ടത്തില് തന്നെ ശക്തമായ വെല്ലുവിളിയാണ് ഇറാനില് നിന്ന് നേരിടേണ്ടി വരുന്നത്. 2018 ഏഷ്യന് ഗെയിംസ് ചാമ്പ്യന്മാരും കഴിഞ്ഞ തവണ വെങ്കല മെഡല് ജേതാക്കളുമാണ് ഇറാന്.
ഏഷ്യന് ഗെയിംസില് കബഡിയില് ഇന്ത്യ ഇരുവിഭാഗത്തിലും സ്വര്ണ പ്രതീക്ഷയോടെയാണ് ഇറങ്ങുന്നത്. ഗ്രൂപ്പ് ഘട്ടം വിജയകരമായി മറികടന്ന് വീണ്ടും കിരീടം നിലനിര്ത്തുകയാണ് ഇന്ത്യന് ടീമുകളുടെ ലക്ഷ്യം.
