ഗര്ഭത്തിന്റെ 25 -ാം ആഴ്ച്ചയിലാണ് നോര്ത്ത് വെയില്സ് സ്വദേശിയായ ഹന്നാ സിമുന്യ എന്ന യുവതി ഇരട്ട കുഞ്ഞുങ്ങള്ക്ക് ജന്മം നല്കിയത്. 900 ഗ്രാമും 700 ഗ്രാമും വീതമായിരുന്നു ജനന സമയത്ത് കുഞ്ഞുങ്ങളുടെ തൂക്കം. ഡൈലാന് എന്നും ഡൈനോള് എന്നുമായിരുന്നു ഇവര്ക്ക് ഹന്നാന് പേരിട്ടത്. 14 ആഴ്ച്ച നീണ്ട ആശുപത്രി വാസത്തിലൂടെ ഡൈലാന് ആരോഗ്യവാനായി. എന്നാല് ഡൈനോള് അതിജീവിക്കില്ലെന്നായിരുന്നു ഡോക്ടര്മാര് പറഞ്ഞത്.
ശ്വാസകോശം ഒട്ടും വികസിക്കാത്ത അവസ്ഥയായിരുന്നു ഡൈനോളിന്. 14 ആഴ്ച്ചയ്ക്ക് ശേഷം ഡൈലാനെ ഡോക്ടര്മാര് ആശുപത്രിയില് നിന്നും ഡിസ്ചാര്ജ് ചെയ്തു. ഡൈനോള് പിന്നെയും ആശുപത്രിയില് തന്നെ തുടര്ന്നു. രക്ഷപെടാന് സാധ്യതയില്ലെന്ന് ഡോക്ടര്മാര് വിധിയെഴുതിയ ഡൈനോളിനെ അവസാനമായി ഒരു നോക്ക് കാണാനായി ഡൈലാന് ആശുപത്രിയിലെത്തി. ഇരട്ടകളായി പിറന്ന അവരെ കുറച്ചു സമയം ഒന്നിച്ചു കിടത്താന് ഡോക്ടര്മാര് അനുവാദം നല്കി. എന്നാല് ആ സമയം ഡൈലാന് ഡൈനോളിനെ കെട്ടിപിടിച്ച പോലെയാണ് കിടന്നത്.
വൈദ്യശാസ്ത്രത്തേയും ഡോക്ടര്മാരെയും ഒരുപോലെ അമ്പരപ്പിച്ച കാര്യങ്ങളാണ് പിന്നീട് നടന്നത്. മരണം സംഭവിക്കുമെന്ന് കരുതിയ ഡൈനോളിന്റെ സ്ഥിതി ഇതോടെ പുരോഗമിച്ചു. രണ്ട് ദിവസത്തിനകം ഡൈനോള് ഇന്ക്യുബേറ്ററില് നിന്നും പുറത്തു വന്നു. നീണ്ട ഏഴ് മാസത്തെ ആശുപത്രി വാസത്തിന് ശേഷം ഡൈനോളിനെ ആശുപത്രിയില് നിന്നും ഡിസ്ചാര്ജ് ചെയ്തിരിക്കുകയാണ്.
സഹോദരന്റെ കെട്ടിപ്പിടുത്തമാണ് ഡൈനോളിനെ ജീവിതത്തിലേക്ക് തിരികെ എത്തിച്ചതെന്നാണ് അമ്മ ഹന്നായും അച്ഛന് സാവിയും പറയുന്നത്. യഥാര്ത്ഥത്തില് എന്താണ് സംഭവിച്ചതെന്ന് ഡോക്ടര്മാര്ക്ക് പോലും വിശദീകരിക്കന് കഴിഞ്ഞിട്ടില്ല. വൈദ്യശാസ്ത്ര ലോകത്തെ അത്ഭുതമെന്നാണ് ഡോക്ടര്മാര് ഈ അതിജീവനത്തെ വിശേഷിപ്പിക്കുന്നത്.