സ്പാനിഷ് ലീഗില് ലെഗനെസിനെതിരെ ബാഴ്സലോണക്ക് ജയം. ഒന്നിനെതിരെ രണ്ട് ഗോളുകള്ക്കാണ് ബാഴ്സ ജയിച്ചത്. ആര്തുറോ വിഡാലും ലൂയിസ് സുവാരസുമാണ് ബാഴ്സലോണക്ക് വേണ്ടി സ്കോര് ചെയ്തത്. ജയത്തോടെ പോയിന്റ് പട്ടികയില് ബാഴ്സ ഒന്നാം സ്ഥാനത്ത് തുടരുകയാണ്.
ഒന്നാം പകുതിയില് ഒരു ഗോളിന് പിന്നില് നിന്ന ശേഷമായിരുന്നു ബാഴ്സയുടെ തിരിച്ചുവരവ്. മത്സരത്തിന്റെ 12ാം മിനിട്ടില് തന്നെ സ്വന്തം കാണികള്ക്ക് മുന്നില് സന്ദര്ശകരെ ഞെട്ടിച്ച് ലെഗനസ് ലീഡ് സ്വന്തമാക്കി. യൂസെഫ് എന്-നെസിരിയുടെ തകര്പ്പന് ഷോട്ടിലൂടെയാണ് ആതിഥേയര് ലീഡ് നേടിയത്.
എന്നാല് രണ്ടാം പകുതിയില് ബാഴ്സ കാത്തിരുന്ന ഗോളെത്തി. 52ാം മിനിട്ടില് സൂപ്പര് താരം ലയണല് മെസിയുടെ ഫ്രീകിക്കിലൂടെ സ്ട്രൈക്കര് ലൂയിസ് സുവാരസ് ബാഴ്സയെ ഒപ്പമെത്തിച്ചു. തുടര്ന്ന് 79ാം മിനിട്ടില് ആര്തുറോ വിഡാല് ബാഴ്സക്ക് ലീഡ് നേടിക്കൊടുത്തു. ഓഫ് സൈഡ് എന്ന് തോന്നിപ്പിച്ചെങ്കിലും വിഎആറിന്റെ സഹായത്തോടെ റഫറി ഗോള് അനുവദിച്ചു. അത്ലറ്റിക്കോ മാഡ്രിഡാണ് അടുത്ത മത്സരത്തില് ബാഴ്സലോണയുടെ എതിരാളികള്.
