അറബിക്കടല് കടന്ന് ആഫ്രിക്കയിലേക്ക് പറന്ന് അമൂര് പരുന്ത്. മണിപ്പൂരില് നിന്നാണ് റേഡിയോ ടാഗ് ചെയ്ത അമൂര് പരുന്ത് ആഫ്രിക്കയിലേക്ക് പറന്നത്. ഡെറാഡൂണിലെ വൈല്ഡ് ലൈഫ് ഇന്സ്റ്റിറ്റ്യൂട്ട് ഓഫ് ഇന്ത്യയും സംസ്ഥാന വനംവകുപ്പും സംയുക്തമായി ചേര്ന്നാണ് പരുന്തിനെ റേഡിയോ ടാഗ് ചെയ്തത്.
മണിപ്പൂരിലെ താമംഗ്ലോംഗ് ജില്ലയിലെ ഗ്രാമത്തില് നിന്നും നവംബര് 14 നാണ് ചിയുലോണ് എന്ന പരുന്ത് യാത്ര തിരിച്ചത്. വടക്കു കിഴക്കന് ത്രിപുരയില് ഒരു രാത്രി ചെലവിട്ടതിന് ശേഷം വിശ്രമില്ലാതെ പറന്നാണ് പരുന്ത് ആഫ്രിക്കയിലെത്തിയത്. നവംബര് 17 ന് പരുന്ത് ഗോവ കര്ണാടക അതിര്ത്തിയിലെ പടിഞ്ഞാറന് തീരം കടന്നതായി വൈല്ഡ് ലൈഫ് ഇന്സ്റ്റിറ്റൂട്ട് ഓഫ് ഇന്ത്യയിലെ ഗവേഷകന് സുരേഷ് കുമാര് പറഞ്ഞു.
തുടക്കത്തില് എത്യോപ്യയിലേക്ക് പറന്ന ചിയുലോണ് രണ്ടു ദിവസങ്ങള്ക്ക് മുന്പാണ് മടങ്ങി വന്നതെന്നും അദ്ദേഹം കൂട്ടിച്ചേര്ത്തു. രണ്ട് ആണ് പരുന്തുകള് ഉള്പ്പെടെ അഞ്ച് പരുന്തുകള്ക്കാണ് റേഡിയോ ടാഗ് ചെയ്തിരുന്നത്. പുച്ചിംഗ്, ഫലോംഗ്, ഇറാംഗ്, ബരാക്ക് എന്നിവരാണ് റേഡിയോ ടാഗ് ചെയ്ത മറ്റ് പരുന്തുകള്. ബരാക്ക് ഇപ്പോഴും താമംഗ്ലോംഗ് ജില്ലയിലുണ്ടെന്നും ഇറാംഗ് മിസോറാം ബോര്ഡറിലേക്ക് നീങ്ങിക്കൊണ്ടിരിക്കുകയാണെന്നും അദ്ദേഹം പറഞ്ഞു.
വേനല്ക്കാലത്ത് നോര്ത്തേണ് ചൈനയിലെ പ്രജനന കേന്ദ്രങ്ങളിലും ശൈത്യക്കാലത്ത് ദക്ഷിണാഫ്രിക്കയിലേക്കും കുടിയേറുന്നവയാണ് അമൂര് പരുന്തുകള്. കഴിഞ്ഞ വര്ഷമാണ് മണിപ്പൂരില് റേഡിയോ ടാഗിംഗ് പരിപാടി ആരംഭിച്ചത്. ദേശാടന പക്ഷികളുടെ വഴികളും പാരിസ്ഥിതിക രീതികളും പഠിക്കാനായാണ് പദ്ധതി ആരംഭിച്ചത്. ദേശാടന പക്ഷികളെ സംരക്ഷിക്കാനുള്ള അന്തരാഷ്ട്ര കരാറില് ഇന്ത്യ ഒപ്പു വെച്ചതിന് ശേഷമാണ് റേഡിയോ ടാഗിംഗ് ആരംഭിച്ചത്.