ന്യൂഡല്ഹി: ഇസ്രായേലിന്റെ ടാങ്ക് വേധ മിസൈലായ സ്പൈക്കിനേക്കാള് കരുത്തുറ്റ മിസൈല് പണിപ്പുരയിലാണെന്ന് ഡിആര്ഡിഒ പറഞ്ഞു. നിലവില് ഡിആര്ഡിഒയുടെ കയ്യിലുള്ള ഏറ്റവും മികച്ച മിസൈലിനേക്കാള് കരുത്തുള്ളതാണ് സ്പൈക്ക് ആന്റി മിസൈലുകളെന്ന അഭിപ്രായത്തെയാണ് ഇന്ത്യയുടെ ആയുധ നിര്മ്മാണ ഗവേഷണ സ്ഥാപനം തള്ളിയത്.
ഇസ്രായേലിന്റെ ആയുധനിര്മാണ സ്ഥാപനമായ റാഫേല് അഡ്വാന്സ്ഡ് ഡിഫന്സ് സിസ്റ്റം ലിമിറ്റഡാണ് ഇന്ത്യന് ആയുധങ്ങളെ പരാമര്ശിച്ചത്. എന്നാല് നിലവില് ഇന്ത്യ നിര്മ്മിക്കാന് പോകുന്ന അതിശക്തമായ മിസൈലിന്റെ പരീക്ഷണരൂപം മാത്രമാണ് കണ്ടതെന്നും അതുമായി ബന്ധപ്പെട്ട വരുന്ന മറ്റ് വാര്ത്തകള് അവാസ്തവമാണെന്നും ഡിആര്ഡിഒ വ്യക്തമാക്കി.
ഇതിനിടെ ഇന്ത്യന് ആയുധനിര്മ്മാണത്തിന്റെ വേഗത വര്ധിപ്പിക്കണമെന്ന ആഗ്രഹമാണ് പങ്കുവച്ചതെന്നും ഗുണമേന്മയിലും പുതിയ സാങ്കേതിക വിദ്യയിലും ഇന്ത്യ അതിവേഗം മുന്നിലാണെന്നും റാഫേല് വ്യക്തമാക്കി.
