ന്യൂഡല്ഹി: ഇന്ത്യുയുടെ അതിര്ത്തി സംരക്ഷണ സേനയായ ബിഎസ്എഫിന് 55-ാം സ്ഥാപന ദിനത്തില് കേന്ദ്ര പ്രതിരോധ മന്ത്രി ആശംസകള് നേര്ന്നു. ജവാന്മാരുടെ ധീരതയും വീരതയും രാഷ്ട്രസേവന സന്നദ്ധതയും ഏറെ അഭിനന്ദനാര്ഹമാണെന്ന് മന്ത്രി പറഞ്ഞു.
‘എല്ലാ ബിഎസ്എഫ് ജവാന്മാര്ക്കും അവര്ക്ക് ശക്തമായ പിന്തുണ നല്കുന്ന കുടുംബാംഗങ്ങള്ക്കും സ്ഥാപനദിന ആശംസകള്. നിങ്ങളുടെ ധീരതയിലും വീരതയിലും രാഷ്ട്രസേവന സന്നദ്ധതയിലും ഞങ്ങള് ഏറെ അഭിമാനിക്കുന്നു ‘ രാജ്നാഥ് സിംഗ് ട്വിറ്ററില് കുറിച്ചു.
My greetings and best wishes to all @BSF_India personnel and their families on their Raising Day. We are proud of their courage, valour, fortitude and service to the nation.
— Rajnath Singh (@rajnathsingh) December 1, 2019
1965 ഡിസംബര് 1 നാണ് ബിഎസ്എഫ് രൂപീകരിക്കപ്പെട്ടത്. രാജ്യത്തിന്റെ അതിര്ത്തി സംരക്ഷിക്കാനും അതിര്ത്തികടന്നുള്ള ശത്രുക്കളുടെ നീക്കത്തെ ചെറുക്കാനുമായിട്ടാണ് പ്രത്യേക സൈനിക വിഭാഗം രൂപീകരിച്ചത്. നേരിട്ട് ആഭ്യന്തര വകുപ്പാണ് ബിഎസ്എഫിനെ നിയന്ത്രിക്കുന്നത്. ഇന്ന് ലോകത്തിലെ ഏറ്റവും വലിയ അതിര്ത്തി സുരക്ഷാ സേന ഇന്ത്യയുടെ ബിഎസ്എഫാണ്.
രാജ്യരക്ഷക്കായി ജീവന് സമര്പ്പിച്ച ബിഎസ്എഫ് ജവാന്മാര്ക്ക് വിവിധ ധീരതാപുരസ്ക്കാരങ്ങള് നല്കി രാജ്യം ആദരിച്ചിട്ടുണ്ട്. ഇതുവരെ ഒരു മഹാവീര ചക്ര, ഒരു പരം വിശിഷ്ട സേവാ മെഡല്,നാല് കീര്ത്തിചക്ര, 13 വീരചക്ര എന്നിവയടക്കം നിരവധി പുരസ്ക്കാരങ്ങള് മരണാന്തരമായും അല്ലാതെയും സമര്പ്പിച്ചിട്ടുണ്ട്.