Life

ലോകത്തിലെ ഏറ്റവും വിലയേറിയ ക്രിസ്തുമസ് ട്രീ; വില ഒരു കോടി അന്‍പത് ലക്ഷം

ക്രിസ്തുമസ് ആഘോഷങ്ങളില്‍ ഒഴിച്ചു കൂടാനാകാത്ത ഒരു ഘടകമാണ് ക്രിസ്തുമസ് ട്രീ. ക്രിസ്തുമസിന്റെ ഈ സര്‍വ്വ ദേശീയ പ്രതീകം ജര്‍മ്മന്‍ പാരമ്പര്യത്തില്‍ നിന്നുള്ളതാണ്. സ്വര്‍ഗ രാജ്യത്ത് വിലക്കപ്പെട്ട മരത്തിന്റെ പ്രതിരൂപമാണ് ക്രിസ്തുമസ് ട്രീ എന്നാണ് വിശ്വസിക്കപ്പെടുന്നത്. ബലൂണുകള്‍, നക്ഷത്രങ്ങള്‍, മണികള്‍ എന്നിവയൊക്കെ ഉപയോഗിച്ച് നാം ക്രിസ്തുമസ് ട്രീ അലങ്കരിക്കാറുണ്ട്.

എന്നാല്‍ വജ്രങ്ങളും വിലയേറിയ കല്ലുകളും ഉപയോഗിച്ചുള്ള ക്രിസ്തുമസ് ട്രീ കണ്ടിട്ടുണ്ടോ? സ്‌പെയിനിലെ കെംപെസ്‌കി ഹോട്ടലിലാണ് ലോകത്തിലെ ഏറ്റവും വിലയേറിയ ക്രിസ്തുമസ് ട്രീ ഒരുക്കിയിരിക്കുന്നത്. ഒരു കോടി അന്‍പത് ലക്ഷം രൂപയാണ് ഈ ക്രിസ്തുമസ് ട്രീ ഒരുക്കാനായി ചെലവാക്കിയിരിക്കുന്നത്. വജ്രങ്ങളും ഡിസൈനര്‍ ആഭരണങ്ങളും വിലയേറിയ കല്ലുകളും ഉപയോഗിച്ചാണ് ഇതിന്റെ നിര്‍മ്മാണം.

3 കാരറ്റ് പിങ്ക് ഡയമണ്ട്, നാല് കാരറ്റ് സഫയര്‍, ബള്‍ഗാരി, കാര്‍ട്ടിയര്‍, വാന്‍ ക്ലെഫ്, ആല്‍പെല്‍സ്, ഷനല്‍ എന്നീ ആഡംബര ബ്രാന്‍ഡുകളുടെ ആഭരണങ്ങളും വിലകൂടിയ പെര്‍ഫ്യൂമുകളും 3 ഡി പ്രിന്റ് ചെയ്ത ചോക്ലേറ്റ് രൂപങ്ങളുമൊക്കെ വെച്ചാണ് ക്രിസ്തുമസ് ട്രീ അലങ്കരിച്ചിരിക്കുന്നത്. ഒട്ടകപ്പക്ഷിയുടെ മുട്ടകളും അലങ്കാരത്തിനായി ഉപയോഗിച്ചിട്ടുണ്ട്. ഡെബി വിംഗ്ഹാം എന്ന ഫാഷന്‍ ഡിസൈനറാണ് ഈ ക്രിസ്തുമസ് ട്രീ രൂപവത്കരിച്ചത്. കോടികള്‍ വിലവരുന്ന ഈ ക്രിസ്തുമസ് ട്രീ കാണാനായി നിരവധി പേരാണ് ഹോട്ടലിലേക്കെത്തുന്നത്.

 

40 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close