ലക്നൗ: ഉന്നാവില് പ്രതികള് തീയിട്ടു കൊലപ്പെടുത്തിയ യുവതിയുടെ കേസ് അതിവേഗ കോടതി പരിഗണിക്കുമെന്ന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്. 90 ശതമാനം പൊള്ളലേറ്റതിനെ തുടര്ന്ന് ആശുപത്രിയില് പ്രവേശിപ്പിച്ച യുവതി കഴിഞ്ഞ ദിവസം രാത്രിയാണ് ഡല്ഹിയിലെ ആശുപത്രിയില് വെച്ച് മരിച്ചത്.
‘കേസ് അതിവേഗ കോടതി പരിഗണിക്കും. കുറ്റവാളികള്ക്ക് കനത്ത ശിക്ഷ തന്നെ ഉറപ്പാക്കുമെന്നും യോഗി പറഞ്ഞു.’
കേസ് അതിവേഗ കോടതിയിലേക്ക് മാറ്റി ദിവസവും വാദം കേള്ക്കാന് അപ്പീല് നല്കുമെന്ന് ഉത്തര്പ്രദേശ് നീതിന്യായ മന്ത്രി ബ്രജേഷ് പഥക്കും അറിയിച്ചു. കേസില് യാതൊരുവിധ രാഷ്ട്രീയ ഇടപെടലും അനുവദിക്കില്ല. കുറ്റവാളികള് എത്ര ശക്തരാണെങ്കിലും കടുത്ത ശിക്ഷ തന്നെ ഉറപ്പാക്കുമെന്നും ബ്രജേഷ് പഥക്ക് വ്യക്തമാക്കി.
90 ശതമാനം പൊള്ളലേറ്റ യുവതി വ്യാഴാഴ്ച വൈകിട്ട് 11:40 ന് സഫ്ദര്ജങ് ആശുപത്രിയില് ഹൃദയാഘാതത്തെ തുടര്ന്ന് മരിക്കുകയായിരുന്നു. യുവതിയുടെ മൃതദേഹം ആശുപത്രിയിലെ ഫൊറന്സിക് വിഭാഗത്തിലേക്ക് മാറ്റി. പോസ്റ്റ്മോര്ട്ടത്തിനു ശേഷം മൃതദേഹം കുടുംബത്തിന് കൈമാറും. പോസ്റ്റ്മോര്ട്ടം റിപ്പോര്ട്ട് അന്വേഷണത്തിന്റെ ഭാഗമായി പൊലീസിന് കൈമാറുമെന്ന് ആശുപത്രി വൃത്തങ്ങള് അറിയിച്ചു.
അതേസമയം സഹോദരിയെ പീഡിപ്പിച്ച് ചുട്ടു കൊന്നവര്ക്ക് മരണശിക്ഷയില് കുറഞ്ഞതൊന്നും നല്കരുതെന്ന് യുവതിയുടെ സഹോദരന് പറഞ്ഞു. ജയിലില് താമസിക്കാന് പ്രതികള്ക്ക് അര്ഹതയില്ലെന്നും മരണശിക്ഷയാണ് അവര്ക്ക് നല്കേണ്ട ഏറ്റവും വലിയ ശിക്ഷയെന്നും യുവതിയുടെ സഹോദരന് പറഞ്ഞു.
