ലണ്ടന്: മാഞ്ചസ്റ്റര് യുണൈറ്റഡ് പ്രതാപകാലത്തെ ഫോമിലേക്കുയര്ന്നപ്പോള് ഇംഗ്ലീഷ് കൂട്ടാളി സിറ്റി നല്ലൊരു തോല്വി രുചിച്ചു. ഇംഗ്ലീഷ് പ്രീമിയര് ലീഗിലെ ഈ ആഴ്ച അങ്ങനെ മഞ്ഞുനിറഞ്ഞ സ്റ്റേഡിയങ്ങളെ ആവേശച്ചൂടിലാക്കി. എത്തിഹാദ് സ്റ്റേഡിയത്തില് നടന്ന മത്സരത്തില് 2-1ന്റെ ജയമാണ് യുണൈറ്റഡ് സ്വന്തമാക്കിയത്. സോല്സ്ജാറിന്റെ കുട്ടികള്, കുതിച്ചുമുന്നേറിയ ജുര്ഗന് ക്ലോപ്പിന്റെ പടയെ ശരിക്കും ഞെട്ടിച്ചു.
ആദ്യ പകുതിയിലെ ആദ്യനിമിഷങ്ങളില്ത്തന്നെ യുണൈറ്റഡ് എതിര്പാളയത്തില് ഇരച്ചുകയറി. 23-ാം മിനിറ്റിലും 29-ാം മിനിറ്റിലുമാണ് ഗോളടിച്ചത്. ലഭിച്ച പെനാല്റ്റി മാര്ക്കസ് റാഷ്ഫോഡ് ആദ്യഗോളാക്കി മാറ്റിയപ്പോള് ആറുമിനിറ്റിനകം രണ്ടാം ഗോളും നേടി. അന്തോണി മാര്ഷ്യലാണ് യുണൈറ്റഡിന് കരുത്തേകി രണ്ടാം ഗോള് നേടിക്കൊടുത്തത്.
പ്രതിരോധത്തേക്കാള് എതിര്തട്ടകത്തിലേക്ക് അവസരം കിട്ടിയപ്പോളൊക്കെ നിന്നുകളിക്കുക എന്ന യുണൈറ്റഡിന്റെ തന്ത്രം ആരാധകരെ ആവേശത്തിലാക്കി. എന്നാല് സിറ്റി യുണൈറ്റഡിന്റെ ഗോള് വല ലക്ഷ്യമാക്കി 22 തവണ ഷോട്ടുതിര്ത്തിട്ടും യുണൈറ്റഡിന്റെ വല കുലുക്കാനായില്ല. എന്നാല് 11 തവണ സിറ്റിക്കെതിരെ 7 തവണ യുണൈറ്റഡ് വലയിലേക്ക് ഷോട്ടുപായിച്ചു അതില് ഒരെണ്ണം കൃത്യമായി ഗോളായി മാറുകയും ചെയ്തു. രണ്ടാം പകുതിയുടെ 85-ാം മിനിറ്റിലാണ് ഏറെ നേരം പന്തു കൈവശം വച്ചതിന്റെ ഫലം സിറ്റിക്ക് കിട്ടിയത്. നിക്കോളാസ് ഓട്ടാമെന്ഡിയാണ് ആശ്വാസ ഗോള് നേടിയത്.