വാംഖഡെ; സിക്സറുകൾ പായിച്ച് പുതിയം നേട്ടം കൊയ്ത് ഇന്ത്യയുടെ ഹിറ്റ്മാൻ രോഹിത് ശർമ്മ. ഈ നേട്ടം കൈവരിക്കുന്ന ആദ്യ ഇന്ത്യൻ താരം കൂടിയാണ് രോഹിത്. വെസ്റ്റ് ഇന്ഡീസിനെതിരായ മൂന്നാം ടി20യിലെ മൂന്നാം ഓവറില് വിന്ഡീസ് പേസര് ഷെല്ഡണ് കോട്രെലിനെതിരേ ഡീപ്പ് മിഡ് വിക്കറ്റിലേക്ക് തകര്പ്പനൊരു സിക്സര് പായിച്ചതോടെയാണ് രോഹിത് നേട്ടത്തിലെത്തിയത്.
ലോക ക്രിക്കറ്റില് രോഹിത്തിനെക്കൂടാതെ രണ്ടു പേര് മാത്രമാണ് 400 സിക്സറുകൾ തികച്ചിട്ടുള്ളത്. പട്ടികയിൽ ഒന്നാമതുള്ളത് വിൻഡീസിന്റെ വെടിക്കെട്ട് ബാറ്റ്സ്മാൻ ക്രിസ് ഗെയ് ലാണ്. 534 സിക്സറുകളാണ് ഗെയ് ൽ പായിച്ചത്. 476 സിക്സറുകളുമായി പാക് ഓൾറൗണ്ടർ ഷാഹിദ് അഫ്രീദിയാണ് രണ്ടാം സ്ഥാനത്തുള്ളത്.
പട്ടികയിൽ ആദ്യ പത്തിൽ രോഹിത്തിനെ കൂടാതെ രണ്ട് ഇന്ത്യൻ താരങ്ങളുമുണ്ട്. 359 സിക്സറുകളുമായി മുൻ ഇന്ത്യൻ നായകൻ മഹേന്ദ്ര സിംഗ് ധോണി അഞ്ചാം സ്ഥാനത്തും 264 സിക്സറുകളുമായി ഇതിഹാസ താരം സച്ചിൻ തെൻഡുൽക്കർ പത്താം സ്ഥാനത്തുണ്ട്.
