മുംബൈ: വെസ്റ്റ് ഇൻഡീസിനെതിരായ ഏകദിന പരമ്പരയ്ക്കുള്ള ടീമിൽ നിന്ന് പരിക്കേറ്റ ഓപ്പണർ ശിഖർ ധവാനെ ഒഴിവാക്കി. ധവാന് പകരക്കാരനായി മായങ്ക് അഗർവാളിനെ ടീമിൽ ഉൾപ്പെടുത്തി. ബംഗ്ലാദേശിനെതിരായ ടെസ്റ്റ് പരമ്പരയിൽ തകർപ്പൻ പ്രകടനം കാഴ്ചവച്ചതോടെയാണ് മായങ്കിനെ ടീമി. ഉൾപ്പെടുത്തിയത്.
ഇന്ത്യ വിൻഡീസ് ഏകദിന പരമ്പരയിൽ മൂന്ന് മത്സരങ്ങളാണുള്ളത്. ഡിസംബര് 15 -ന് ചെന്നൈയിലാണ് ആദ്യ മത്സരം. ഡിംസബര് 18 -ന് വിശാഖപ്പട്ടണത്തും ഡിസംബര് 22 -ന് കട്ടക്കിലുമാണ് മത്സരങ്ങൾ.
സയ്യിദ് മുഷ്താഖ് അലി ട്രോഫിക്കിടെയാണ് ശിഖര് ധവാന്റെ ഇടത്തെ കാല്മുട്ടിന് സാരമായ പരുക്കേല്ക്കുന്നത്. ഇതിനെത്തുടര്ന്നാണ് ഇന്ത്യ – വെസ്റ്റ് ഇന്ഡീസ് പരമ്പര താരത്തിന് നഷ്ടമായത്. നേരത്തെ ട്വന്റി 20യിൽ ധവാന് പകരക്കാരനായി സഞ്ജു വി സാംസണെ ഉൾപ്പെടുത്തിയിരുന്നു.