കൊച്ചി: പ്രതിസന്ധികളെ മറികടന്ന് കേരള ബ്ലാസ്റ്റേഴ്സ് വിജയ വഴിയിലേക്ക് തിരിച്ചെത്തുമെന്ന് കേരള ബ്ലാസ്റ്റേഴ്സ് ഗോൾ കീപ്പർ ടിപി രഹനേഷ്. ഭാഗ്യ നിർഭാഗ്യങ്ങൾ ഫുട്ബോളിൽ ഒഴിവാക്കാനാവാത്ത ഘടകങ്ങളാണ്. അവയെ ഉടൻ മറികടക്കുമെന്നും ജനം ടിവിക്ക് അനുവദിച്ച പ്രത്യേക അഭിമുഖത്തിൽ രഹനേഷ് പറഞ്ഞു.
കളത്തിലിറങ്ങുമ്പോൾ നമ്മളിടുന്ന ജഴ്സിയ്‌ക്ക് വേണ്ടി കളിക്കണം. അത് സ്വന്തം നാടിനെതിരെയായാലും സ്വന്തം നാടിന് വേണ്ടിയായാലും. കളിക്കുന്ന ടീം ഏതാണോ ആ ടീം ജയിക്കുന്നതിന് വേണ്ടി കളിക്കണം.
ബ്ലാസ്റ്റേഴ്സ് ആരാധകരിൽ നിന്ന് ഇതുവരെ മോശം അനുഭവങ്ങൾ ഉണ്ടായിട്ടില്ല. നോർത്ത് ഈസ്റ്റിൽ ആയിരുന്നപ്പോഴും കേരളത്തിലേക്ക് തിരിച്ചെത്തിയപ്പോഴും അവർ പിന്തുണച്ചു. ബ്ലാസ്റ്റേഴ്സിലെത്തിയപ്പോൾ പഴയതിനേക്കാൾ വലിയ പിന്തുണയാണ് ലഭിക്കുന്നത്. നാട്ടിലേക്ക് മടങ്ങിയെത്തിപ്പോൾ വളരെയധികം സന്തോഷമുണ്ട്.
എല്ലാ മത്സരങ്ങളിലും എല്ലാവരും മികച്ച രീതിയിൽ കളിക്കുന്നുണ്ട്. പക്ഷേ നിർഭാഗ്യത്താൽ വിജയം നേടാനായില്ല. ഭാഗ്യനിർഭാഗ്യങ്ങൾ ഫുട്ബോളിൽ ഒഴിവാക്കാനാവാത്ത ഘടകമാണ്. എന്നാൽ അതിനെ മറികടന്ന് ഉടൻ തന്നെ ടീം വിജയവഴിയിലെത്തുമെന്നും ടിപി രഹനേഷ് പറഞ്ഞു.
