കൊല്ലം: കൊല്ലം കടക്കലിൽ അച്ഛൻ മകളെ പീഡിപ്പിച്ചു. 13 വയസ്സുള്ള കുട്ടിയാണ് അച്ഛന്റെ പീഡനത്തിനിരയായത്. ഇയാളെ പൊലീസ് അറസ്റ്റ് ചെയ്തു. വർഷങ്ങളായി
മകളെ പീഡിപ്പിക്കുകയായിരുന്നു എന്ന് ചോദ്യം ചെയ്യലിൽ പ്രതി സമ്മതിച്ചു.
കടക്കൽ സ്വദേശിയും കെഎസ്ആർടിസി എം പാനൽ ഡ്രൈവറുമായ ആളാണ് പോലീസന്റെ പിടിയിലായത്. മൂന്നാം ക്ലാസ് മുതൽ തന്നെ പീഡിപ്പിച്ച് വരികയായിരുന്നുവെന്ന് പെൺകുട്ടി മൊഴി നൽകി.
അച്ഛനെ പേടിയായത് മൂലമാണ് ആറാം ക്ലാസ് വിദ്യാർത്ഥിനിയായ കുട്ടി പീഡന വിവരം അമ്മയോട് പറയാതിരുന്നത്. കഴിഞ്ഞ ദിവസം അമ്മ വീട്ടിൽ ഇല്ലാതിരുന്ന സമയത്ത് കുട്ടിയെ ബലമായി പീഡനത്തിന് വിധേയമാക്കി. ഇതോടെയാണ് പീഡനവിവരം കുട്ടി അമ്മയോട് പറഞ്ഞത്. തുടർന്നാണ് കുട്ടിയുടെ മാതാവ് കടയ്‌ക്കൽ പോലീസിൽ പരാതി നൽകിയത്.
നിരന്തരമായി പീഡനത്തിനിരയതായികുട്ടി പൊലീസിന് മൊഴി നൽകി. ചോദ്യം ചെയ്യലിൽ പിതാവ് കുറ്റം സമ്മതിച്ചു. ഇയാൾക്കെതിരെ പോക്സോ വകുപ്പ് ചുമത്തി പൊലീസ് കേസെടുത്തു.
