മെല്ബണ്: ക്രിക്കറ്റില് ടീം ഇന്ത്യയുടെ സംഭവബഹുലമായ ഒരു ദശാബ്ദത്തിന് അവസാനമാകുകയാണ്. പ്രധാനപ്പെട്ട എല്ലാ റെക്കോര്ഡുകളും സ്വന്തമാക്കി ഇന്ത്യയുടെ താരങ്ങള് ക്രിക്കറ്റ് ലോകത്ത് ശ്രദ്ധേയരാകുന്നതിനിടയില് വീണ്ടും ഇന്ത്യന് ആരാധകര്ക്ക് സന്തോഷം നല്കുന്ന വാര്ത്തകളാണ് പുറത്തു വന്നുകൊണ്ടിരിക്കുന്നത്. ക്രിക്കറ്റ് ഓസ്ട്രേലിയയുടെ ഈ ദശാബ്ദത്തിലെ ഏകദിന ടീമിനെ പ്രഖ്യാപിച്ചപ്പോള് നായകനായി തെരഞ്ഞെടുത്തത് മുന് ഇന്ത്യന് നായകന് മഹേന്ദ്ര സിംഗ് ധോണിയെയാണ്.
ഏകദിന ടീമില് മൂന്ന് ഇന്ത്യന് താരങ്ങളാണുള്ളത്. ധോണിക്കു പുറമെ ഇന്ത്യന് നായകന് വിരാട് കോഹ്ലിയും ഓപ്പണര് രോഹിത് ശര്മ്മയും ടീമില് സ്ഥാനം പിടിച്ചു. എന്നാല് ശിഖര് ധവാനേയും പേസര് ജസ്പ്രീത് ബൂമ്രയേയും ടീമില് ഉള്പ്പെടുത്തിയിട്ടില്ല. പകരം ഇരുവരേയും ആദരിക്കേണ്ട താരങ്ങളുടെ പട്ടികയില് ഉള്പ്പെടുത്തി.
ഏകദിന ടീം: രോഹിത് ശര്മ്മ, ഹാഷിം അംല, വിരാട് കോഹ്ലി, എബി ഡിവില്ല്യേഴ്സ്, ഷക്കിബ് അല് ഹസന്, ജോസ് ബട്ലര്, എം.എസ് ധോണി(ക്യാപ്റ്റന്), മിച്ചല് സ്റ്റാര്ക്ക്, ട്രെന്റ് ബോള്ട്ട്, ലസിത് മലിംഗ, റാഷിദ് ഖാന്
