മെല്ബണ്: ഈ വര്ഷത്തെ വിക്കറ്റ് വേട്ടക്കാരില് ഓസ്ട്രേലിയയുടെ പാറ്റ് കമ്മിന്സ് ഒന്നാമത്. 2019ല് മാത്രം 99 വിക്കറ്റുകളാണ് കമ്മിന്സ് സ്വന്തമാക്കിയത്. ഇതോടെ ടെസ്റ്റ് ക്രിക്കറ്റിലെ വിക്കറ്റ് വേട്ടക്കാരിലും കമ്മിന്സ് ഒന്നാമതെത്തി.
59 ടെസ്റ്റ് വിക്കറ്റുകളാണ് കമ്മിന്സ് 2019ല് വീഴ്ത്തിയത്. ഏകദിനത്തില് 31 വിക്കറ്റുകളും ട്വന്റി20യില് 9 വിക്കറ്റുകളുമാണ് കമ്മിന്സ് സ്വന്തം പേരില് കുറിച്ചത്. അതേസമയം, ഏകദിനത്തില് 42 വിക്കറ്റുകള് വീഴ്ത്തിയ ഇന്ത്യയുടെ ഫാസ്റ്റ് ബൗളര് മുഹമ്മദ് ഷമി ഒന്നാമതെത്തി. അന്താരാഷ്ട്ര ക്രിക്കറ്റിലെ വിക്കറ്റ് വേട്ടക്കാരുടെ പട്ടികയില് 77 വിക്കറ്റുകളുള്ള ഷമി കമ്മിന്സ് പിന്നില് രണ്ടാം സ്ഥാനത്തുണ്ട്.
കഴിഞ്ഞ ദിവസം ന്യൂസിലന്ഡുമായി നടന്ന രണ്ടാം ടെസ്റ്റിന്റെ ഒന്നാം ഇന്നിംഗ്സില് കമ്മിന്സ് 5 വിക്കറ്റ് വീഴ്ത്തിയിരുന്നു. 2020 ഐപിഎല്ലിലെ ലേലത്തില് കമ്മിന്സായിരുന്നു ഏറ്റവും മൂല്യമേറിയ വിദേശ താരം. 15.5 കോടി രൂപക്ക് കൊല്ക്കത്ത നൈറ്റ് റൈഡേഴ്സാണ് കമ്മിന്സിനെ സ്വന്തമാക്കിയത്.
