ലണ്ടന്: പുതുവര്ഷാരംഭത്തില് മികച്ച ജയവുമായി ലെസ്റ്ററും മാഞ്ചസ്റ്റര് സിറ്റിയും ആഴ്സണലും. എതിരില്ലാത്ത ഗോളുകള്ക്കാണ് ലെസ്റ്ററും മാഞ്ചസ്റ്റര് സിറ്റിയും ആഴ്സണലും വെസ്റ്റ്ഹാമും ജയിച്ചത്. ക്രിസ്റ്റല് പാലസ്-നോര്വ്വിച്ച് സിറ്റി മത്സരം സമനിലയില് പിരിഞ്ഞപ്പോള് വൂള്വ്സ് തോറ്റു.
ഇന്ന് പുലര്ച്ചെ നടന്ന മത്സരത്തില് ആഴ്സണല് മാഞ്ചസ്റ്റര് യുണൈറ്റഡ് സൂപ്പര് പോരാട്ടത്തില് സ്വന്തം തട്ടകത്തില് ആഴ്സണല് യുണൈറ്റഡിനെ എതിരില്ലാത്ത രണ്ടു ഗോളുകള്ക്ക് തകര്ത്തു. പെപ്പെ സോക്രട്ടീസ് എന്നിവരാണ് ഗോള് നേടിയത്. കളിയുടെ 8-ാം മിനിറ്റില്ത്തന്നെ നിക്കോളാസ് പെപ്പെ ആദ്യഗോള് നേടി. രണ്ടാം പകുതി തീരുംമുമ്പേ 42-ാം മിനിറ്റില് ലീഡ് 2-0 ആക്കി ഉയര്ത്തി.
ഇന്നലെ രാത്രി മത്സരത്തില് ലെസ്റ്റല് ന്യൂകാസിലിനെ 3-0നാണ് തകര്ത്തത്. പെരസ്(36), മാഡിസണ്(39), ഹംസ(87) എന്നിവരാണ് ഗോള് നേടിയത്. മാഞ്ചസ്റ്റര് സിറ്റി എവര്ട്ടണിനെ ഒന്നിനെതിരെ രണ്ടു ഗോളുകള്ക്കാണ് തോല്പ്പിച്ചത്. രണ്ടാം പകുതിയിലാണ് ഗോളുകളെല്ലാം വീണത്. ഗാബ്രിയേല് ജീസസ് 51,58 മിനിറ്റുകളിലാണ് സിറ്റിക്കായി ഗോള്നേടിയത്. 71-ാം മിനിറ്റില് റിച്ചാര്ലീസണാണ് ആശ്വാസ ഗോള് നേടിയത്. ബേണ്മൗത്തിനെതിരെ വെസ്റ്റ് ഹാമിന്റെ ജയം ഉജ്ജ്വലമായിരുന്നു.
എതിരില്ലാത്ത 4 ഗോളുകള്ക്കാണ് വെസ്റ്റ്ഹാമിന്റെ ജയം. നോബിളിന്റെ ഇരട്ട ഗോളുകളായിരുന്നു മുഖ്യ സവിശേഷത, 17-ാം മിനിറ്റിലും 35-ാം മിനിറ്റിലുമാണ് നോബിള് ഗോള് നേടിയത്. തുടര്ന്ന് ആദ്യ പകുതിയുടെ 25-ാം മിനിറ്റില് ഹാലറാണ് വെസ്റ്റ്ഹാമിനായി മൂന്നാം ഗോള് നേടിയത്. 66-ാം മിനിറ്റിലാണ് ഫെലിപ്പേ ആന്ഡേഴ്സണ് ടീമിനായി നാലാം ഗോള് നേടിയത്. ഒന്നിനെതിരെ രണ്ടുഗോളുകള്ക്കാണ് വാട്ടഫോഡ് വൂള്വ്സിനെ അട്ടിമറിച്ചത്. തുടക്കത്തില് 30-ാം മിനിറ്റില് ജെറാദ് ആദ്യഗോള് നേടി. എന്നാല് പെഡ്രോ നീറ്റോ 60-ാം മിനിറ്റില് സമനിലഗോള് നേടിയെങ്കിലും വാട്ട്ഫോഡിനായി അബ്ദുലായ് കബാസാലേ 71-ാം മിനിറ്റില് വിജയ ഗോള് നേടി.
