ഇന്‍ഡോര്‍: പുതുവര്‍ഷത്തിന്റെ തുടക്കം ഗംഭീരമാക്കി ഇന്ത്യന്‍ നായകന്‍ വിരാട് കോഹ്‌ലി. ശ്രീലങ്കക്കെതിരായ രണ്ടാം ട്വന്റി20 മത്സരത്തില്‍ പുറത്താകാതെ 30 റണ്‍സ് നേടിയപ്പോള്‍ അന്താരാഷ്‌ട്ര ക്രിക്കറ്റില്‍ തകര്‍ന്നു വീണത് മറ്റൊരു റെക്കോര്‍ഡ്.
അന്താരാഷ്‌ട്ര ക്രിക്കറ്റില്‍ അതിവേഗം 1000 റണ്‍സ് തികയ്‌ക്കുന്ന നായകനെന്ന റെക്കോര്‍ഡാണ് വിരാട് കോഹ്‌ലി കഴിഞ്ഞ ദിവസം സ്വന്തമാക്കിയത്. ദക്ഷിണാഫ്രിക്കന്‍ നായകന്‍ ഫാഫ് ഡുപ്ലസിയെയാണ് കോഹ്‌ലി മറികടന്നത്. ഈ നേട്ടത്തിലെത്താന്‍ ഡുപ്ലസിക്ക് 31 ഇന്നിംഗ്‌സുകള്‍ വേണ്ടിവന്നപ്പോള്‍ തന്റെ 30ാം ഇന്നിംഗ്‌സിലാണ് കോഹ്‌ലി 1000 ക്ലബിലെത്തിയത്.
ട്വന്റി20 ക്രിക്കറ്റില്‍ ഏറ്റവുമധികം റണ്‍സ് നേടിയ താരമെന്ന റെക്കോര്‍ഡും കോഹ്‌ലി സ്വന്തം പേരില്‍ കുറിച്ചിരുന്നു. രോഹിത് ശര്‍മ്മയും വിരാട് കോഹ്‌ലിയും 2633 റണ്‍സുമായി റണ്‍ വേട്ടക്കാരില്‍ ഒന്നാം സ്ഥാനം പങ്കിടുകയായിരുന്നു. ഇന്നലെ ഒരു റണ്‍സ് നേടിയതോടെയാണ് രോഹിത്തിനെ പിന്നിലാക്കി കോഹ്‌ലി ഒന്നാമതെത്തിയത്.
