കാസനോവ ആമയായ ഡിയാഗോ ഒടുവില് സ്വന്തം കാടായ എസ്പനോളയിലേക്ക് മടങ്ങുകയാണ്. തന്റെ വംശത്തിന്റെ നിലനില്പ്പിനായാണ് ഡിയാഗോയെ ഗാലപ്പഗോസിലെ സാന്താക്രൂസ് ദ്വീപിലേക്ക് കൊണ്ടു വന്നത്. നിലില് 100 വയസുള്ള ആമ 800 കുഞ്ഞുങ്ങളെയാണ് സാന്താക്രൂസ് ദ്വീപിന് നല്കിയത്.
കെലോനോയിഡിസ് ഹൂഡെന്സിസ് എന്ന സ്പീഷിസിലാണ് ഡിയാഗോ ഉള്പ്പെടുന്നത്. വംശംനാശം സംഭവിച്ചുകൊണ്ടിരിക്കുന്ന ഇവയെ ഇക്വാഡോര് പരിസ്ഥിതി വകുപ്പാണ് 1960-ല് സാന്താക്രൂസ് ദ്വീപില് എത്തിച്ചത്.
പ്രജനന പദ്ധതിയുടെ തുടക്കത്തില് കെലോനോയിഡിസ് ഹൂഡെന്സിസിന്റെ വംശവര്ധനയ്ക്കായി 12 പെണ് ആമകളും രണ്ട് ആണ് ആമകളുമാണ് ഉണ്ടായിരുന്നത്. 80 വര്ഷംകൊണ്ട് ഈ പ്രജനന പദ്ധതിയിലൂടെ രണ്ടായിരം ആമക്കുഞ്ഞുങ്ങള്ക്കാണ് ആമകള് ജന്മം നല്കിയത്. ഇതില് 800 എണ്ണത്തിനും പിതാവായത് ഡിയേഗോ ആയിരുന്നു.
പ്രജനന പദ്ധതിയുടെ ആരംഭകാലത്ത് സാന് ഡിയേഗോ മൃഗശാലയിലാണ് ഡിയേഗോ ഉണ്ടായിരുന്നത്. ഇപ്പോള് ഡിയാഗോ യ്ക്ക് 100 വയസ്സിലേറെ പ്രായമുണ്ടെന്നാണ് കരുതുന്നത്. കെലോനോയിഡിസ് ഹൂഡെന്സിസ് വിഭാഗത്തില്പ്പെടുന്ന ആമകളുടെ എണ്ണം ദ്വീപില് വേണ്ടത്ര ഉയര്ന്നതായി വ്യക്തമായതിനെ തുടര്ന്നാണ് ഇക്വഡോര് പരിസ്ഥിതി മന്ത്രാലയം പ്രജനന പദ്ധതി നിര്ത്തലാക്കിയത്. പിന്നീടാണ് ഡിയാഗോ ഉള്പ്പെടെയുള്ള മറ്റുള്ള ആമകളെയും കാട്ടിലേയ്ക്ക് തുറന്നുവിട്ടത്.