Sports

ലോക ബാഡ്മിന്റണ്‍ താരം മൊമോട്ടൊക്ക് വാഹനാപകടത്തില്‍ പരിക്ക്; വാന്‍ ട്രക്കിലിടിച്ചു ഡ്രൈവര്‍ കൊല്ലപ്പെട്ടു;അപകടം മലേഷ്യന്‍ മാസ്റ്റേഴ്‌സ് കിരീടം നേടി തിരികെ പോകുമ്പോള്‍

ക്വലാലംപൂര്‍: ലോക ഒന്നാം നമ്പറും മലേഷ്യന്‍ ബാഡ്മിന്റണ്‍ സൂപ്പര്‍ സീരീസ് കിരീട ജേതാവുമായ ജപ്പാന്റെ കെന്റോ മൊമോട്ടോ കാറപകടത്തില്‍ പരിക്ക്. കിരീട നേട്ടത്തിന് ശേഷം ഇന്നലെ ക്വാലാലംപൂര്‍ വിമാനത്താവളത്തിലേക്ക് പോകും വഴി സഞ്ചരിച്ചിരുന്ന വാനിന്റെ മുന്നില്‍ പോയിരുന്ന ട്രക്കിലിടിച്ചാണ് പരിക്കേറ്റത്. വാന്‍ ഡ്രൈവര്‍ തല്‍ക്ഷണം മരിച്ച അപകടത്തില്‍ മൊമോട്ടോ ഭാഗ്യംകൊണ്ട് മാത്രം രക്ഷപെടുകയായിരുന്നുവെന്ന് ക്വലാലംപൂര്‍ പോലീസ് അറിയിച്ചു. മൊമോട്ടോക്കൊപ്പം ഉണ്ടായിരുന്ന മറ്റ് മൂന്ന് പേരും നിസ്സാരപരിക്കുകളോടെ രക്ഷപെട്ടു. ബ്രിട്ടന്റെ ബാഡ്മിന്റണ്‍ സാങ്കേതിക വിദഗ്ധനായ ഫോസ്റ്റര്‍ വില്ല്യം തോമസ്, ജപ്പാന്റെ ഫിസിയോ തെറാപ്പിസ്റ്റ് ഹിരായാമ യൂ, സഹപരിശീലകന്‍ മോറിമോട്ടോ അര്‍ക്കിഫൂക്കി എന്നിവരാണ് വാനിലുണ്ടായിരുന്നത്.

വെളുപ്പിന് 4.45ന് വിമാനത്താവളത്തിലേക്ക് പോകവേ അതിവേഗത്തിലായിരുന്ന വാന്‍ മുന്നില്‍ പതുക്കെപോയിരുന്ന വലിയ ട്രക്കിലേക്ക് ഇടിച്ചുകയറുകയായിരുന്നു. വാനിന്‍രെ മുന്‍വശം ട്രക്കിനടിയിലേക്ക് പോകുന്നത്ര ശക്തമായ അപകടമാണ് നടന്നത്. വാന്‍ ഡ്രൈവര്‍ മലേഷ്യന്‍ പൗരനായ ഭവാന്‍ നാഗേശ്വരുവാണ് കൊല്ലപ്പെട്ടത്. എല്ലാവരേയും ഉടന്‍തന്നെ പുത്രജയ ആശുപത്രിയിലേക്ക് ഹൈവേ പോലീസ് എത്തിക്കുകയായിരുന്നുവെന്ന് മാധ്യമങ്ങള്‍ റിപ്പോര്‍ട്ട് ചെയ്തു.

0 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close