ലഡാക്ക് : കശ്മീര് ലഡാക്ക് മേഖലയിലെ കനത്ത മഞ്ഞുവീഴ്ചയില്കുടുങ്ങിയ മലകയറ്റസംഘത്തെ അതിസാഹസികമായി ഇന്ത്യന് സേന രക്ഷപെടുത്തി. 41 പേരടങ്ങുന്ന സംഘമാണ് ചാദാര് മലനിരകളില് കനത്ത ഹിമപാതത്തില് കുടുങ്ങിപ്പോയത്. തിബ്ബ്-നെയ്റാക് മേഖലക്കിടയിലാണ് ചാദറിലേക്കുള്ള മലകയറ്റത്തിനിടെ സംഘം കുടുങ്ങിയത്.
Despite the inclement weather and narrow valleys of the #ZanskarRiver #helicopter of the #Army Aviation managed to land at a makeshift helipad in Niraq and inducted a column of Army personnel to the rescue of Six seriously ill tourists. @adgpi pic.twitter.com/jx9MZIAEqo
— Manjeet Negi (@manjeetnegilive) January 14, 2020
വെള്ളച്ചാട്ടം മഞ്ഞിന് മുകളിലൂടെ കുത്തിയൊലിച്ചതോടെ സംഘം നെയ്റാക് ഗ്രാമത്തില് നിന്ന് പുറത്തുകടക്കാനാകാതെ വിഷമിച്ചു. എല്ലാവര്ഷവും ചാദാര് മേഖലയില് സന്സ്കാര് നദിയില് ഒരാഴ്ചക്കാലത്തേക്ക് നടക്കുന്ന മലകയറ്റം സാഹസിക കായികഇനമായി നടത്തപ്പെടുന്ന ചടങ്ങിനാണ് ആളുകളെത്തിയത്.
സന്സ്കാര് നദിയിലെ ജലം കുത്തിയൊഴുകിയതോടെ കരമാര്ഗ്ഗം ആളുകളെ പുറത്തെത്തിക്കാന് സാധിക്കാതെ വന്നതോടെയാണ് താല്ക്കാലിക ഹെലിപ്പാഡ് തയ്യാറാക്കി ഹെലികോപ്റ്റര് ഇറക്കിയത്. ഇതിനിടെ ലേ മേഖലയില് പെട്ടുപോയ വിനോദസഞ്ചാരികളില് രോഗാവസ്ഥയിലായ 6 പേരേയും സൈന്യം ഹെലികോപ്റ്റര് വഴി രക്ഷപെടുത്തിയിരുന്നു.