ലണ്ടന്: ഇന്ത്യയുടെ ക്രിക്കറ്റ് ചരിത്രത്തില് ഏറ്റവും അധികം ശ്രദ്ധനേടിയ
ആരാധികയായ മുത്തശ്ശി ചാരുലത പട്ടേല് അന്തരിച്ചു. 88 വയസ്സായിരുന്ന ചാരുലത പട്ടേല് മക്കള്ക്കും കൊച്ചുമക്കള്ക്കുമൊപ്പം ഇന്ത്യാ-ബംഗ്ലാദേശ് മത്സരത്തില് ഗ്യാലറിയില് ഇരുന്ന് നല്കിയ ആവേശം സ്റ്റേഡിയത്തിലും സമൂഹമാധ്യമത്തിലും വന് തരംഗമായി.
എഡ്ബാസ്റ്റണില് നടന്ന മത്സരത്തിലാണ് ചാരുലത ത്രിവര്ണ്ണ നിറം മുഖത്ത് തേച്ച് ഇന്ത്യയുടെ ഓരോ റണ്സിനും കയ്യടിച്ച് ആവേശം നല്കിയത്. കളിക്ക് ശേഷം ക്യാപ്റ്റന് വിരാട് കോഹ്ലി മുത്തശ്ശിക്കരികിലെത്തി സന്തോഷം അറിയിച്ചു. വിരാടിനെ വാത്സല്യത്തോടെ നെറ്റിയില് ഉമ്മവച്ച് അനിഗ്രഹിച്ചു. ഇന്ത്യയുടെ സൂപ്പര് ഫാന് എന്നനിലയില് ബിസിസിഐ ട്വീറ്റ് ചെയ്തതോടെ വാര്ത്ത കൂടുതല് വൈറലായി. തുടര്ന്ന് ലോകകപ്പിലെ ഇന്ത്യയുടെ എല്ലാമത്സരങ്ങള്ക്കുമുള്ള ടിക്കറ്റും ബിസിസിഐ സംഘടിപ്പിച്ചു നല്കി.
പ്രമുഖ വ്യവസായി ആനന്ദ് മഹീന്ദ്ര ചാരുലതയുടെ ടിക്കറ്റിന്റെ പൈസ നല്കാന് തയ്യാറാണെന്ന് അന്നറിയിച്ചിരുന്നു. ആരാധകരെന്നതിന്റെ പരിഭാഷതന്നെ മാറ്റിയെഴുതിയ ചാരുലത പട്ടേലിന്റെ കളിആവേശം ലോകംമുഴുവനുള്ള ക്രിക്കറ്റ് പ്രേമികളേറ്റെടുത്തു.
