ലണ്ടന്: എഫ് എ കപ്പില് മാഞ്ചസ്ററര് യുണൈറ്റഡിന് ജയം. വൂള്വ്സിനെ എതിരില്ലാത്ത ഒറ്റ ഗോളിനാണ് യുണൈറ്റഡ് തോല്പ്പിച്ചത്. ജുവാന് മാട്ടയാണ് 67-ാം മിനിറ്റില് യുണൈറ്റഡിനായി ഗോളടിച്ചത്. നോക്കൗട്ട് റൗണ്ടായതിനാല് വൂള്വ്സ് എഫ് എ കപ്പില് നിന്ന് പുറത്തായി.
പകുതിയിലേറെ സമയം പന്ത് കൈവശംവച്ച യുണൈറ്റഡിനായിരുന്നു മുന്തൂക്കം. 11 തവണ വൂള്വ്സിനെതിരെ ഷോട്ടുകള് പായിച്ചെങ്കിലും യുണൈറ്റഡിന് ഗോളാക്കാനായില്ല. വൂള്വ്സിന്റെ വക പലപ്പോഴും കളി പരുക്കനാവുന്ന കാഴ്ചയും കണ്ടു. 11 തവണയാണ് വൂള്വ്സ് ഫൗള് ചെയ്തു.
രണ്ടാം മത്സരത്തില് ഗോള്മഴയുമായാണ് കാര്ഡിഫ്-കാര്ലൈസ് പോരാട്ടം നടന്നത്. മൂന്നിനെതിരെ നാലുഗോളുകള്ക്കാണ് കാര്ഡിഫ് കളി ജയിച്ചത്.കളിയുടെ 7-ാം മിനിറ്റില് നാഥാന് തോമസിലൂടെ കാര്ലൈസാണ് മുന്നിലെത്തിയത്. എന്നാല് ആദ്യപകുതിയില്ത്തന്നെ രണ്ടു ഗോളുകള് തിരിച്ചടിച്ച് കാര്ഡിഫ് എതിരാളികളെ ഞെട്ടിച്ചു. ഫ്്ളിന്റാണ് 18-ാം മിനിറ്റില് ആദ്യഗോള് നേടിയത്. 45-ാം മിനിറ്റില് ജോഷ് മര്ഫി രണ്ടാം ഗോളും നേടി.
എന്നാല് രണ്ടാം പകുതിയില് ഇരുടീമുകളും ശക്തമായ ആക്രമണം തന്നെ നടത്തി. 48-ാം മിനിറ്റില് ഫ്ളിന്റ് തന്റെ രണ്ടാം ഗോള് നേടി. എന്നാല് ഹാരി മാക് കിര്ദി കാര്ലൈസിനായി 51-ാം മിനിറ്റില് രണ്ടാം ഗോള് നേടി ലീഡ് 2-3 ആക്കി കുറച്ചു. ഇതിനിടെ കാര്ഡിഫിനായി 57-ാം മിനിറ്റില് ഡാനീ വാര്ഡ് നാലാം ഗോളും വലയിലാക്കി. തുടര്ന്ന് 64-ാം മിനിറ്റില് ഹാരിയുടെ വക രണ്ടാം ഗോള് ലീഡ് 3-4 ആക്കി കുറച്ചു.