ടൂറിന്: ഉദീനീസയെ ഇറ്റാലിയന് ലീഗിലെ കരുത്തരായ യുവന്റസ് തകര്ത്ത് ക്വാര്ട്ടറിലെത്തി. എതിരില്ലാത്ത നാലു ഗോളുകള്ക്കാണ് യുവന്റസിന്റ ജയം. അര്ജ്ജന്റീനയുടെ താരങ്ങള് കളം അടക്കിവാണ മത്സരമാണ് നടന്നത്. 16-ാം മിനിറ്റില് ഗോണ്സാലോ ഹിഗ്വെയിനാണ് ആദ്യ ഗോള് നേടിയത്. തുടര്ന്ന് പൗളോ ഡി ബാല തന്റെ ഇരട്ട ഗോളുകളും നേടി. ഡഗ്ലസ് കോസറ്റയാണ് യുവന്റസിനായി നാലാം ഗോളും നേടിക്കൊടുത്തത്. യുവന്റസിന്റെ കരുത്തായ ക്രിസ്ത്യാനോ റൊണാള്ഡോ ഇന്നലെ കളിച്ചിരുന്നില്ല.
എഫ് സി റോമ-പാര്മ മത്സരത്തിലെ വിജയിയോടാണ് ഇനി യുവന്റസിന്റെ ക്വാര്ട്ടര് മത്സരം നടക്കാനുള്ളത്. ഇന്നലെ നടന്ന മറ്റ് മത്സരങ്ങളില് മിലാന് 3-0ന് സ്പാളിനേയും ഫിയോറന്റീന 2-1ന് അത്ലാന്റയേയും ഇന്റര്നാസിയോണേല് 4-1ന് കാഗ്ലീയാരിയേയും തോല്പ്പിച്ചു.
ക്വാര്ട്ടറില് നാപ്പോളി- ലാസിയോ, മിലാന്-ടോറിനോ, ഇന്റര്നാസിയോണേല്- ഫിയോറന്റീന എന്നിവരാണ് ഏറ്റുമുട്ടുന്നത്. യുവന്റസിന്റെ എതിരാളിയെ പാര്മ- റോമാ മത്സരത്തിലറിയാം.
