രാജ്കോട്ട്: ഇന്ത്യന് നായകന് വിരാട് കോഹ്ലി അത്ര പെട്ടെന്ന് ആരുടെ മുന്നിലും തലകുനിക്കാറില്ല. ഏത് പ്രതിസന്ധി ഘട്ടത്തിലും എത്ര ശക്തരായ എതിരാളികള്ക്കെതിരേയും ആത്മവിശ്വാസത്തോടെ ബാറ്റ് വീശുന്ന കോഹ്ലി എന്നാല് ഓസീസ് ലെഗ് സ്പിന്നര് ആദം സാംപക്ക് മുന്നില് 6 തവണയാണ് വീണത്. കോഹ്ലിയെ നേരിടുമ്പോഴുള്ള തന്റെ സമീപനത്തേക്കുറിച്ചും തന്ത്രങ്ങളേക്കുറിച്ചും തുറന്നു പറഞ്ഞിരിക്കുകയാണ് സാംപ.
വളരെ മികച്ച രീതിയില് ഇന്നിംഗ്സ് ആരംഭിക്കുന്നയാളാണ് കോഹ്ലി. എന്നാല് ഇന്നിംഗ്സ് തുടങ്ങുമ്പോള് കോഹ്ലി ലെഗ് സ്പിന്നര്മാരെ നേരിടുന്നതില് ബുദ്ധിമുട്ട് നേരിടാറുണ്ട്. കോഹ്ലിക്കെതിരെ ബൗള് ചെയ്യുമ്പോള് നല്ലൊരു ഗെയിം പ്ലാന് ഉണ്ടായിരിക്കണം. കഴിഞ്ഞ വര്ഷം നടന്ന പരമ്പരയില് നാലു തവണ അദ്ദേഹത്തെ പുറത്താക്കാനായതാണ് തനിക്ക് വലിയ ആത്മവിശ്വാസം നല്കുന്നതെന്നും സാംപ പറഞ്ഞു. രണ്ടാം ഏകദിനത്തിന് മുന്നോടിയായി സംസാരിക്കുകയായിരുന്നു അദ്ദേഹം.
ഏകദിന-ട്വന്റി20 മത്സരങ്ങളിലായാണ് സാംപ കോഹ്ലിയെ പൂട്ടിയത്. വാങ്കഡേയില് നടന്ന ആദ്യ മത്സരത്തിലും സാംപക്കായിരുന്നു കോഹ്ലിയുടെ വിക്കറ്റ്. 18 പന്തില് 16 റണ്സ് എടുത്തു നില്ക്കവെ സാംപക്ക് റിട്ടേണ് ക്യാച്ച് നല്കിയാണ് കോഹ്ലി മടങ്ങിയത്. കോഹ്ലിയെ ഇത്രയധികം തവണ പുറത്താക്കിയ മറ്റൊരു താരം വെസ്റ്റ് ഇന്ഡീസ് പേസര് രവി രാംപോള് മാത്രമാണ്. എന്നാല് സാംപക്കെതിരെ കോഹ്ലിയുടെ സ്ട്രൈക്ക് റേറ്റ് 100നു മുകളിലാണെന്നതും കൗതുകമുണര്ത്തുന്നു.