റാഞ്ചി: വിരമിക്കൽ വാർത്തകൾക്കിടെ ക്രിക്കറ്റ് പരിശീലനം പുനഃരാരംഭിച്ച് മുൻ ഇന്ത്യൻ നായകൻ മഹേന്ദ്ര സിംഗ് ധോണി. ഝാർഖണ്ഡ് രഞ്ജി ടീമിനൊപ്പമാണ് ധോണി പരിശീലനമാരംഭിച്ചിരിക്കുന്നത്. ടീമിനൊപ്പം ബാറ്റിംഗ് പരിശീലനത്തില് ഏറെ നേരം ചെലവിട്ട ധോണി പതിവ് പരിശീലനങ്ങളും നടത്തിയശേഷമാണ് മടങ്ങിയത്.
കഴിഞ്ഞ ലോകകപ്പിന് ശേഷം അന്താരാഷ്ട്ര മത്സരങ്ങളിൽ കളിക്കാതിരുന്ന ധോണിയെ ബിസിസിഐയുടെ വാർഷിക കരാറിൽ നിന്ന് ഒഴിവാക്കിയിരുന്നു. ലോകകപ്പ് സെമിഫൈനലിൽ ന്യൂസിലൻഡിനെതിരെയായിരുന്നുധോണി അവസാനമായി അന്താരാഷ്ട്ര മത്സരം കളിച്ചത്.
കീവീസിനോടേറ്റ തോല്വിക്ക് പിന്നാലെ ക്രിക്കറ്റില് നിന്ന് അദ്ദേഹം സൈനിക പരിശീലനത്തിനും മറ്റുമായി ദീര്ഘ നാളത്തെ അവധിയെടുത്തിരുന്നു. ഇതിനു ശേഷം സ്വന്തം നാട്ടില് നടന്ന പരമ്പകളില് നിന്നുള്പ്പെടെ ധോണി വിട്ടുനിന്നിരുന്നു. ഏഴ് മാസത്തോളമായി ധോണി കളിക്കളത്തില് നിന്നും വിട്ടുനില്ക്കുകയായിരുന്നു. ഈ സാഹചര്യത്തിലാണ് ബിസിസിഐ അദ്ദേഹത്തെ വാര്ഷിക കരാറില് നിന്നും ഒഴിവാക്കിയത്
