ഭുബനേശ്വര്: ലോക മൂന്നാം നമ്പര് നെതര്ലന്റിനെ തകര്ത്ത് ഹോക്കി പ്രോലീഗില് ഇന്ത്യക്ക് ഗംഭീര തുടക്കം. ഇന്നലെ നടന്ന മത്സരത്തില് 5-2നാണ് ടീം ഇന്ത്യ ഓറഞ്ച് പടയെ കെട്ടുകെട്ടിച്ചത്. രണ്ടു മത്സരങ്ങള് വീതമുള്ള പോരാട്ടത്തില് ഇതോടെ ഇന്ത്യക്ക് 1-0ന്റെ ലീഡായി.
കളിയുടെ ആദ്യ മിനിറ്റിനുള്ളില്ത്തന്നെ ഗുര്ജന് സിംഗ് ഗോള്നേടി. കളി തുടങ്ങി 13-ാം സെക്കന്റില് ഗോള് നേടി നെതര്ലാന്റ്സിനെ ഞെട്ടിച്ചു.1976ല് മോണ്ട്രിയല് ഒളിമ്പിക്സില് ആദ്യ 15-ാം സെക്കന്റില് ഗോള്നേടിയ മുന് ഇന്ത്യന് താരം അജിത് സിംഗിന്റെ റെക്കോഡാണ് ഗുര്ജന് സിംഗ് തിരുത്തിയത്. രൂപേന്ദ്രപാല് സിംഗിന്റെ ഇരട്ട ഗോളിന്റെ മികവിലാണ് ഹോക്കി ഇന്ത്യ വിജയം നേടിയത്. രണ്ടു ഗോളുകളും പെനാല്റ്റികളെ മുതലാക്കിയായിരുന്നു. കളിയുടെ 12-ാംമിനിറ്റിലായിരുന്നു രൂപേന്ദ്രയുടെ ആദ്യ ഗോള്. തുടര്ന്ന് 14-ാം മിനിറ്റില് നെതര്ലന്റ് ആദ്യ ഗോള് നേടി. 28-ാം മിനിറ്റില് ജെറോന് ഹെറ്റ്സ്പര്ഗര് സമനിലപിടിച്ചു.
എന്നാല് ആക്രമിച്ചു കളിച്ച ഇന്ത്യ മദീപിലൂടെ 34-ാം മിനിറ്റിലും ലളിത് ഉപാധ്യായയിലൂടെ 36-ാം മിനിറ്റിലും ഗോളടിച്ച് നെതര്ലാന്റിസിനെ ഞെട്ടിച്ചു. തുടര്ന്ന് 46-ാം മിനിറ്റില് വിജയം ആധികാരികമാക്കി 5-ാം ഗോളും രൂപേന്ദ്രസിംഗിന് കിട്ടിയ പെനാല്റ്റിയിലൂടെ ഇന്ത്യ സ്വന്തമാക്കി. ഇന്ന് രണ്ടാം മത്സരം നെതര്ലാന്റ്ിനെതിരെ നടക്കും.
A good way to start an #OlympicYear Well done boys! #IndvsNed #fihproleague2020 #HockeyVichMeriJaanVassdi pic.twitter.com/OHH3EwiBcL
— Balbir Singh Sr. (@BalbirSenior) January 18, 2020
ഒളിമ്പിക്സിന് മുന്നോടിയായി ലോകത്തിലെ ഏറ്റവും മികച്ച ടീമിനെതിരെ ജയത്തോടെ തുടങ്ങിയതില് നിരവധി മുതിര്ന്ന താരങ്ങള് അഭിനന്ദനവുമായെത്തി. മുന് അന്താരാഷ്ട്രതാരം ബല്ബീര് സിംഗാണ് ട്വിറ്ററിലൂടെ മികച്ചതുടക്കത്തെ പുകഴ്ത്തിയത്.
