മെല്ബണ്: ഈ വര്ഷം നടക്കാനിരിക്കുന്ന 11ാമത് ഇന്ഡോര് ക്രിക്കറ്റ് ലോകകപ്പിന് ഓസ്ട്രേലിയയിലെ മെല്ബണ് വേദിയാകും. വേള്ഡ് ഇന്ഡോര് ക്രിക്കറ്റ് അസോസിയേഷനാണ് ഇക്കാര്യം സ്ഥിരീകരിച്ചത്. ഒക്ടോബര് 10 മുതല് 17 വരെയാണ് ഇന്ഡോര് ക്രിക്കറ്റ് ലോകകപ്പ് നടക്കുക.
ഇന്ഡോര് ക്രിക്കറ്റ് ലോകകപ്പിനും വേദിയാകുന്നതിലൂടെ 2020ല് മൂന്ന് ലോകകപ്പ് ടൂര്ണമെന്റുകളാണ് ഓസ്ട്രേലിയയില് നടക്കുക. ഫെബ്രുവരിയില് ഐസിസിയുടെ വനിതാ ട്വന്റി20 ലോകകപ്പും ഇതിനു പിന്നാലെ പുരുഷ വിഭാഗം ട്വന്റി20 ലോകകപ്പും ഓസ്ട്രേലിയയിലാണ് നടക്കുന്നത്.
നിലവില് ഓസ്ട്രേലിയയാണ് ഇന്ഡോര് ക്രിക്കറ്റ് ലോകകപ്പ് ചാമ്പ്യന്മാര്. 2017ല് ദുബായിയില് നടന്ന പുരുഷന്മാരുടേയും വനിതകളുടേയും ഇന്ഡോര് ക്രിക്കറ്റ് ലോകകപ്പ് ഓസ്ട്രേലിയ സ്വന്തമാക്കിയിരുന്നു. മെല്ബണിലെ കാസി സ്റ്റേഡിയത്തിലും സിറ്റി പവര് സെന്റര് സ്റ്റേഡിയത്തിലുമായാണ് ടൂര്ണമെന്റ് നടക്കുക.