ഓക്ലന്ഡ്: ന്യൂസിലന്ഡിനെതിരെയുള്ള പരമ്പര ഇന്ന് ആരംഭിക്കാനിരിക്കെ ഇന്ത്യന് നായകന് വിരാട് കോഹ്ലിക്ക് മുന്നറിയിപ്പുമായി ന്യൂസിലന്ഡ് മുന് പരിശീലകന് മൈക്ക് ഹസന്. ന്യൂസിലന്ഡില് കോഹ്ലിക്ക് കാര്യങ്ങള് അത്ര എളുപ്പമാകില്ലെന്നും റണ്സ് വാരിക്കൂട്ടാന് അദ്ദേഹം പാടുപെടുമെന്നും ഹസന് പറഞ്ഞു. റോയല് ചലഞ്ചേഴ്സ് ബംഗ്ലൂരിന്റെ ഡയറക്ടര് കൂടിയാണ് മൈക്ക് ഹസന്.
കിവീസ് പേസര്മാര് ന്യൂ ബോളുകൊണ്ട് കോഹ്ലിക്ക് കനത്ത വെല്ലുവിളി ഉയര്ത്തും. നല്ല തുടക്കം ലഭിക്കുക എന്നത് കോഹ്ലിക്ക് ഏറെ നിര്ണായകമാണ്. മത്സരത്തിന്റെ ആദ്യ 10-20 ഓവറില് കീവീസ് പേസര്മാര്ക്കെതിരെയുള്ള കോഹ്ലിയുടെ പ്രകടനം കാണാന് താന് കാത്തിരിക്കുകയാണെന്നും ഹസന് പറഞ്ഞു.
2014ല് ഉള്ളതിനേക്കാള് മികച്ച ബൗളിംഗ് നിരയാണ് ഇന്ത്യക്ക് ഇന്ന് ഉള്ളത്. അതിനാല് തന്നെ പരമ്പര കൂടുതല് ആവേശകരമാകുമെന്ന് ഉറപ്പാണ്. സ്വന്തം കാണികളുടെ പിന്തുണ ന്യൂസിലന്ഡിന് പ്ലസ് പോയിന്റാണെന്നും എന്നാല് ടീം ഇന്ത്യയെ വിലകുറച്ച് കണ്ടാല് കിവീസിനു കനത്ത തിരിച്ചടി നേരിടേണ്ടി വരുമെന്നും മൈക്ക് ഹസന് വ്യക്തമാക്കി.
