മെല്ബണ് : ഓസ്ട്രേലിയന് ഓപ്പണ് പുരുഷ വിഭാഗം സിംഗിള്സില് ടോപ് സീഡ് താരങ്ങള് ക്വാര്ട്ടര് പോരാട്ടത്തിന് തയ്യാറായി. ഇന്നലെ തന്നെ ക്വാര്ട്ടറിലെത്തിയ ജോക്കോവിച്ചിനും ഫെഡറര്ക്കും പുറകേ അവസാന 8 പേരിലേക്ക് ഡോമിനിക് തീമും വാവ്റിങ്കയും പ്രവേശിച്ചു.
അഞ്ചാം സീഡ് ഡോമിനിക് തീം നേരിട്ടുള്ള സെറ്റുകള്ക്കാണ് കരുത്തനായ ഗെയില് മോണ്ഫില്സിനെ തകര്ത്തത്. സ്കോര് 6-2, 6-4, 6-4. തുല്യശക്്തികളായിട്ടും തീമിന്റെ കരുത്തിന് മുന്നില് മോണ്ഫില്സ് പതറിപ്പോയി. രണ്ടാം മത്സരത്തില് വാവറിങ്ക മെഡ്വേദേവിനെ അഞ്ചു സെറ്റ് നീണ്ട പോരാട്ടത്തിനൊടുവിലാണ് കീഴടക്കിയത്. സ്കോര്: 6-2,2-6,4-6,7-6,6-2.
ആദ്യ സെറ്റ് 6-2ന് 15-ാം സീഡ് വാവറിങ്ക നേടിയെങ്കിലും 4-ാം സീഡിന്റെ കരുത്തോടെ മെഡവെദേവ് 6-2,6-4 എന്ന നിലയില് രണ്ടും മൂന്നും സെറ്റുകള് അനായാസം പിടിച്ചെടുത്തു. എന്നാല് നാലാം സെറ്റ് ടൈബ്രേക്കറിലൂടെ പിടിച്ച വാവറിങ്ക നിര്ണ്ണായകമായ അഞ്ചാം സെറ്റ് അനായാസം 6-2ന് നേടി ക്വാര്ട്ടറിലേക്ക് പ്രവേശിച്ചു. ഇരുവരുടേയും ക്വാര്ട്ടര് എതിരാളികളെ നദാല്-ക്രിഗിയോസ് മത്സരത്തിന്റേയും റൂബാലേവ്- വെരേവ് മല്സരത്തിന്റെയും വിജയികളില് നിന്ന് നിശ്ചയിക്കും.
