കാലാവസ്ഥാ വ്യതിയാനത്തിന്റെ തീവ്രത ബോധ്യപ്പെടുത്താന് കൊടുംതണുപ്പില് മഞ്ഞുപാളികള്ക്കിടയിലൂടെ നീന്തി തുടിച്ച് അന്പതു വയസുകാരന്. അന്റാര്ട്ടിക്കന് ഐസ് ഷീറ്റ് എന്നറിയപ്പെടുന്ന തടാക മേഖലയിലെ തണുത്തുറഞ്ഞ വെള്ളത്തില് പതിനഞ്ച് മിനിട്ടോളമാണ് ലെവിസ് എന്ന അമ്പതുകാരന് നീന്തിയത്.
റെക്കോര്ഡുകളില് ഇടം നേടാനാണ് ലെവിസിന്റെ ഈ സാഹസിക പ്രകടനം എന്ന് ചിലരെങ്കിലും തെറ്റിദ്ധരിച്ചേക്കാം. എന്നാല് പരിസ്ഥിതി സ്നേഹിയായ ലെവിസ് പാരിസ്ഥിതിക പ്രശ്നങ്ങള് ഉയര്ത്തിക്കാട്ടി മുന്പും ഇത്തരം ഉദ്യമങ്ങളില് ഏര്പ്പെട്ടിട്ടുണ്ട്.
ഈ മേഖലയിലെ ഐസ് ഉരുകുന്നത് അതിവേഗത്തിലാണ്. അത് താന് നേരിട്ട് മനസിലാക്കി. ഒരു കാലാവസ്ഥാ അടിയന്തരാവസ്ഥയാണ് ലോകത്തെ കാത്തിരിക്കുന്നതെന്ന കാര്യത്തില് ഒരു സംശയവും ഇല്ല. ഈ കാലത്ത് ആവശ്യമായ നടപടികള് സ്വീകരിക്കാന് ലോകനേതാക്കള് മുന്നിട്ടിറങ്ങി വരണം.
ഐസ് ഷീറ്റ് ഉദ്യമത്തിന് ശേഷം ലെവിസ് ട്വിറ്ററില് കുറിച്ച വാക്കുകളാണിത്. ഐസ്ഷീറ്റില് നീന്തിയ അനുഭവങ്ങളെ കുറിച്ചും ലെവിസ് പങ്കുവെച്ചിട്ടുണ്ട്. സാഹസികത നിറഞ്ഞതും മനോഹരവുമായിരുന്നു അനുഭവമെന്നും മഞ്ഞു പാളികളിലൂടെ മുന്നോട്ട് പോകുമ്പോള് നീലവര്ണത്തിന്റെ വിവിധ ഭാവങ്ങള്ക്ക് സാക്ഷിയായെന്നും അദ്ദേഹം വ്യക്തമാക്കി. നീന്തിക്കൊണ്ടിരിക്കുമ്പോള് വെള്ളം വറ്റി പോകുന്നതായിരുന്നു ഏറ്റവും വലിയ ബുദ്ധിമുട്ടെന്നും അദ്ദേഹം ട്വിറ്ററില് കുറിച്ചു.
I swam here in East Antarctica to bring you this message:
Having witnessed the rapid melting in this region, I have no doubt that we are now facing a climate emergency.
At #COP26, world leaders need to step up or step aside. Time is running out.
Please share.#Antarctica2020 pic.twitter.com/YJZJeKNPlf
— Lewis Pugh (@LewisPugh) January 24, 2020