ജീവിതത്തിനും മരണത്തിനും ഇടയില്‍ തോന്നിയ ബുദ്ധി രക്ഷിച്ചു; കടുവയില്‍ നിന്നും രക്ഷപ്പെട്ട യുവാവിന്റെ വീഡിയോ വൈറല്‍

കരടിയില്‍ നിന്നും രക്ഷപ്പെടാന്‍ മരിച്ചതു പോലെ കിടന്ന ഒരാളുടെ കഥ നാം വായിച്ചിട്ടുണ്ട്. ജീവന്‍ അപകടത്തിലായ സന്ദര്‍ഭത്തില്‍ തന്റെ ബുദ്ധി ഉപയോഗിച്ച് മെനഞ്ഞെടുത്ത ആ തന്ത്രത്തിലൂടെയായിരുന്നു കഥയിലെ ബാലന്‍ കരടിയില്‍ നിന്നും രക്ഷപ്പെട്ടത്. കഥയിലെ ആ ബുദ്ധി തന്നെ ജീവിത്തില്‍ പ്രയോഗിച്ച് കടുവയില്‍ നിന്ന് രക്ഷപ്പെടുന്ന ഒരു യുവാവിന്റെ വീഡിയോയാണ് ഇപ്പോള്‍ സാമൂഹ്യ മാദ്ധ്യമങ്ങളില്‍ വൈറലാകുന്നത്.

ജനവാസ മേഖലയില്‍ ഇറങ്ങിയ കടുവയുടെ പിടിയില്‍ നിന്നും തലനാരിഴയ്‌ക്കാണ് യുവാവ് രക്ഷപ്പെടുന്നത്. വയലില്‍ സ്വതന്ത്രമായി സഞ്ചരിച്ചു കൊണ്ടിരുന്ന കടുവയെ തുരത്താന്‍ പ്രദേശവാസികള്‍ ശ്രമിക്കുന്നത്് വീഡിയോയില്‍ കാണാം. എന്നാല്‍ ഇതിനിടയില്‍ ഒരാള്‍ കടുവയുടെ മുന്നില്‍ അകപ്പെട്ടു. കടുവയുടെ പിടിയിലായ ഇയാള്‍ ഉടന്‍ മരിച്ച പോലെ കിടന്നു. ഇതിനിടയില്‍ പ്രദേശവാസികളില്‍ ഒരാള്‍ കടുവയുടെ നേര്‍ക്ക് കല്ലെറിഞ്ഞു. കല്ലേറു കൊണ്ടതോടെ കടുവ മനുഷ്യനെ ഉപേക്ഷിച്ച് ജനക്കൂട്ടത്തിന് അരികില്‍ നിന്നും ഓടി അകന്നു.

തന്ത്രപരമായ നീക്കത്തിലൂടെ കടുവയുടെ പിടിയില്‍ നിന്ന് രക്ഷപ്പെട്ട യുവാവിനെ അഭിനന്ദിച്ച് നിരവധി പേരാണ് രംഗത്തെത്തിയത്. യുവാവിന്റെ ധൈര്യത്തേയും നിരവധി പേര്‍ പ്രശംസിച്ചു.

You want to see how does a narrow escape looks like in case of encounter with a #tiger. #Tiger was cornered by the crowd. But fortunately end was fine for both man and tiger. Sent by a senior. pic.twitter.com/1rLZyZJs3i

— Parveen Kaswan, IFS (@ParveenKaswan) January 25, 2020