പരിക്കേറ്റ് ടീമിന് പുറത്തായ ഇന്ത്യയുടെ യുവ വിക്കറ്റ് കീപ്പർ ബാറ്റ്സ്മാൻ ഋഷഭ് പന്തിന് പിന്തുണയുമായി മുൻ ഓസിസ് നായകൻ റിക്കി പോണ്ടിംഗ്. പന്താണ്, അവനൊരു പ്രതിഭയാണ്. അവൻ തിരിച്ചുവരുമെന്നും റിക്കി പോണ്ടിംഗ് പറഞ്ഞു. ഐപിഎല്ലിൽ ഋഷഭ് പന്തിന്റെ ടീമായ ഡൽഹി ക്യാപ്പിറ്റൽസിന്റെ കോച്ച് കൂടിയാണ് പോണ്ടിംഗ്.
പന്ത് വളരെയധികം പ്രതിഭയുള്ള കളിക്കാരനാണ്. ഉടനെയോ, അല്ലെങ്കില് പിന്നീടോ താരം ദേശീയ ടീമിലേക്ക് മടങ്ങിയെത്തും. പന്ത് വളരെ ചെറുപ്പമാണ്. നല്ല കഴിവുള്ള താരമാണ്. വരാനിരിക്കുന്ന ഐപിഎല്ലില് വീണ്ടും പന്തിനൊപ്പം പ്രവര്ത്തിക്കാന് വേണ്ടി കാത്തിരിക്കുകയാണ് താന്. ഇപ്പോള് ഇന്ത്യന് ടീമിനു പുറത്താണെങ്കിലും പന്ത് തിരിച്ചുവരും. ചിലപ്പോള് അതു പെട്ടെന്നുണ്ടായേക്കാം, ചിലപ്പോള് കുറച്ചു കഴിഞ്ഞായിരിക്കുമെന്നും പോണ്ടിംഗ് പറഞ്ഞു.
ഓസ്ട്രേലിയയ്ക്കെതിരായ രണ്ടാം ഏകദിനത്തിലായിരുന്നു ഋഷഭ് പന്തിന് പരിക്കേറ്റത്. എന്നാൽ പന്തിന് പകരക്കാരനായി കീപ്പിംഗ് ഗ്ലൗ അണിഞ്ഞ ലോകേഷ് രാഹുൽ മികച്ച രീതിയിൽ കളിച്ചതോടെ തുടർച്ചയായി താരത്തിന് ബെഞ്ചിൽ തുടരേണ്ടി വന്നു. ന്യൂസിലൻഡിനെതിരായ പരമ്പരയിലും രാഹുലാണ് ഇന്ത്യയുടെ ഒന്നാം നമ്പർ വിക്കറ്റ് കീപ്പർ.
