155 ദശലക്ഷം വര്ഷങ്ങള്ക്ക് മുന്പ് ജീവിച്ചിരുന്ന ദിനോസര് ഇനത്തെ കണ്ടെത്തി. പാലിയോളജിസ്റ്റുകളാണ് ജുറാസിക് കാലഘട്ടത്തില് പടിഞ്ഞാറന് വടക്കെ അമേരിക്കയിലെ വെള്ളപ്പൊക്ക സമതലങ്ങളില് വസിച്ചിരുന്ന മാംസഭോജിയായ ദിനോസറിന്റെ ഫോസില് കണ്ടെത്തിയത്. ജുറാസിക്, ക്രിറ്റേഷ്യസ് കാലഘട്ടത്തില് ജീവിച്ചിരുന്ന മാസംഭുക്കായ ദിനോസര് അലസൊറോയ്ഡ് ഇനത്തില് ഉള്പ്പെടുന്നതാണ്. യുഎസ് ശാസ്ത്രജ്ഞരാണ് ദിനോസറിനെ കണ്ടെത്തിയത്.
ജുറാസിക് കാലഘട്ടത്തില് വടക്കേ അമേരിക്കയില് അലോസോറാസിന്റെ ഒരു ഇനം മാത്രമെ ഉള്ളുവെന്നായിരുന്നു ഗവേഷകര് കരുതിയിരുന്നത്. എന്നാല് ആ കാലഘട്ടത്തില് രണ്ട് ഇനം ദിനോസറുകള് ജീവിച്ചിരിപ്പുണ്ടെന്നാണ് പഠനത്തില് തെളിയുന്നത്. അലോസോറസ് ഫ്രാഗില്സ് എന്ന ഇനത്തില് പെട്ട ദിനോസറുകള്ക്കും അഞ്ച് ദശലക്ഷം വര്ഷങ്ങള്ക്ക് മുന്പാണ് ഈ ഇനം പരിണമിച്ചതെന്ന് ഗവേഷകര് പറയുന്നു. അലോസൊറസിന്റെ ഏറ്റവും പഴക്കം ചെന്ന ഇനമാണിത്.
ആവാസ വ്യവസ്ഥയിലെ മികച്ച ഒരു വേട്ടക്കാരനായിരുന്നു ഈ ദിനോസറുകള്. നീളമുള്ള കൈകാലുകളും വാലും മൂര്ച്ചയുള്ള നഖങ്ങളുമാണ് ഇവയുടെ സവിശേഷത. അലോസോറസ് ഫ്രാഗില്സിന്റെ തലയോട്ടിയേക്കാള് ഭാരക്കുറവാണ് ഇവയുടെ തലയോട്ടികള്ക്ക്. 1990 കാലഘട്ടത്തില് നെബ്രസ്കാ യൂണിവേഴ്സിറ്റിയിലെ ജോര്ജ് എഗല്മാന് എന്ന ശാസ്ത്രജ്ഞന് ഈ വര്ഗത്തില് പെട്ട ദിനോസറിന്റെ അസ്ഥികൂടെ കണ്ടെത്തിയിരുന്നു. തലയില്ലാതെ ലഭിച്ച ഈ ദിനോസറിന്റെ അസ്ഥികൂടത്തില് 1996 ല് യൂട്ടാ യൂണിവേഴ്സിറ്റിയിലെ റമല് ജോണ്സ് റേഡിയേഷന് ഡിറ്റ്കടറിലൂടെ അസ്ഥികൂടത്തിന് തലയോട്ടി നിര്മ്മിച്ചിരുന്നു.
ദിനോസറിന്റെ പുതിയ ഇനത്തെ കണ്ടെത്തിയത് ജുറാസിക് ദിനോസറുകളുടെ ജീവിതത്തെയും സമയത്തെയും കുറിച്ചുള്ള സുപ്രധാന വിവരങ്ങള് പ്രദാനം ചെയ്യുമെന്നും ഇത് അമേരിക്കയുടെ പൈതൃകത്തിന്റെ മറ്റൊരു സവിശേഷ ഘടകത്തെ പ്രതിനിധീകരിക്കുന്നുവെന്നും യുണൈറ്റഡ് സ്റ്റേറ്റ്സ് ബ്യൂറോ ഓഫ് ലാന്ഡ് മാനേജ്മെന്റിന്റെ റീജിയണല് പാലിയന്റോളജിസ്റ്റ് ബ്രെന്റ് ബ്രീത്താപ്റ്റ് പറഞ്ഞു.
