കൊച്ചി: നടിയെ ആക്രമിച്ച കേസില് കൊച്ചിയിലെ പ്രത്യേക കോടതിയില് നാളെ വിചാരണ ആരംഭിക്കും. ആക്രമിക്കപ്പെട്ട നടിയുടെ സാക്ഷിവിസ്താരമാണ് നാളെ നടക്കുക. 136 സാക്ഷികളെയാണ് ആദ്യഘട്ടത്തില് കോടതി വിസ്തരിക്കുക.
ഇതിനിടെ മുഖ്യ പ്രതി സുനില് കുമാര് ജയിലില് നിന്ന് ഫോണ് വിളിച്ച് ഭീഷണിപ്പെടുത്തിയെന്ന സംഭവത്തില് പ്രത്യേക വിചാരണ വേണമെന്ന നടന് ദിലീപിന്റെ ഹര്ജി ഹൈക്കോടതി വിധി പറയാന് മാറ്റി. ഭീഷണിപ്പെടുത്തിയ സംഭവം നടിയെ ആക്രമിച്ചെന്ന കേസിനൊപ്പം വിചാരണ നടത്തരുതെന്നായിരുന്നു ദിലീപിന്റെ ആവശ്യം. കേസില് നാളെ ഹൈക്കോടതി വിധി പറയും.
കേസില് എട്ടാം പ്രതിയാണ് ദിലീപ്. ഗൂഢാലോചന അടക്കമുള്ള കുറ്റങ്ങളാണ് ദിലീപിനെതിരെ പോലീസ് ചുമത്തിയിട്ടുള്ളത്. പ്രതിപ്പട്ടികയില് നിന്നും തന്നെ ഒഴിവാക്കണമെന്ന് ആവശ്യപ്പെട്ട നേരത്തെ ദിലീപ് നല്കിയ വിടുതല്ഹര്ജി വിചാരണ കോടതി തള്ളിയിരുന്നു.
ആറ് മാസത്തിനുള്ളില് കേസിലെ വിചാരണ പൂര്ത്തിയാക്കണമെന്ന് സുപ്രീം കോടതി നേരത്തെ നിര്ദേശം നല്കിയിരുന്നു.