ജൊഹന്നാസ്ബര്ഗ്: നിലവിലെ ചാമ്പ്യന്മാരായ ഇന്ത്യയിന്ന് അണ്ടര് 19 ലോകകപ്പിന്റെ സെമിഫൈനലില് പാകിസ്താനെ നേരിടും. ക്വാര്ട്ടറില് കരുത്തരായ ഓസ്ട്രേലിയയെ ആണ് ഇന്ത്യ പരാജയപ്പെടുത്തിയത്.74 റണ്സിന്റെ മികച്ച വിജയമാണ് ഇന്ത്യ ക്ങ്കാരുപ്പടക്കെതിരെ നേടിയത്. അവസാന 10 റണ്സ് എടുക്കുന്നതിനിടെ 5 വിലപ്പെട്ട വിക്കറ്റുകളാണ് ഇന്ത്യ എറിഞ്ഞിട്ടത്.
സെമിയിലും മികച്ച ഫോമിലുള്ള യശസ്വി ജയസ്വാളിലും കാര്ത്തി ത്യാഗിയിലുമാണ് ഇന്ത്യയുടെ പ്രതീക്ഷ.നാലു തവണയാണ് ഇന്ത്യ അണ്ടര്-19 ലോകകപ്പ് നേടിയിട്ടുള്ളത്. 2018ല് ഓസ്ട്രേലിയെ തോല്പ്പിച്ചാണ് ഇന്ത്യന് കുട്ടിപ്പട കിരീടം നാട്ടിലെത്തിച്ചത്. ആദ്യ ഘട്ടങ്ങളില് ഗ്രൂപ്പിലെ മറ്റ് ടീമുകളായ ന്യൂസിലാന്റ്, ശ്രീലങ്ക, ജപ്പാന് എന്നിവരെതോല്പ്പിച്ച് ഗ്രൂപ്പ് ജോതാക്കളായിട്ടാണ് ക്വാര്ട്ടറിലെത്തിയത്.
പാകിസ്താന് അഫ്ഗാനിസ്ഥാനെയാണ് ക്വാര്ട്ടറില് കീഴടക്കിയത്. മികച്ച ഫോമിലുള്ള ഓപ്പണര് മുഹമ്മദ് ഹുറൈറയാണ് ബാറ്റിംഗിലെ കരുത്ത്. ബൗളിംഗില് അബ്ബാസ് അഫ്രിദിയിലാണ് പാക് പ്രതീക്ഷ.