IndiaLife

പാറക്കൂട്ടങ്ങള്‍ക്കിടയില്‍ കുടുങ്ങി കുട്ടിയാന; രക്ഷിക്കാനെത്തിയവരെ തുരത്തിയോടിച്ച് അമ്മയാന; നീണ്ട പരിശ്രമത്തിനൊടുവില്‍ ആനക്കുട്ടിയെ പുറത്തെത്തിച്ച് വനംവകുപ്പ്

പാറക്കൂട്ടങ്ങള്‍ക്കുള്ളില്‍ അകപ്പെട്ട കുട്ടിയാനയെ അതിവിദഗ്ധമായി രക്ഷപ്പെടുത്തി വനംവകുപ്പ് അധികൃതര്‍. അസമിലെ മോറിഗോണ്‍ ജില്ലയിലെ പാറക്കൂട്ടങ്ങള്‍ക്കിടയിലാണ് ആനക്കുട്ടി കുടുങ്ങിയത്. പാറയ്ക്കിടയില്‍ അകപ്പെട്ട ആനക്കുട്ടിയെ ആദ്യം കാണുന്നത് പ്രദേശവാസികളാണ്. കുട്ടിയാനയുടെ അമ്മയും സമീപത്തായി ഉണ്ടായിരുന്നു.

പ്രദേശ വാസികളാണ് വിവരം വനംവകുപ്പിനെ അറിയിച്ചത്. ഉടന്‍ സംഭവ സ്ഥലത്തെത്തിയ അധികൃതര്‍ രക്ഷാ പ്രവര്‍ത്തനം ആരംഭിച്ചു. പ്രദേശവാസികളും വനംവകുപ്പ് അധികൃതരും ചേര്‍ന്നായിരുന്നു രക്ഷാ പ്രവര്‍ത്തനത്തിന് നേതൃത്വം നല്‍കിയത്. എന്നാല്‍ രക്ഷാ പ്രവര്‍ത്തനത്തിനിടെ അമ്മയാന എത്തിയത് എല്ലാവരിലും പരിഭ്രാന്തി സൃഷ്ടിച്ചു.

രക്ഷാ പ്രവര്‍ത്തനത്തിലേര്‍പ്പെട്ടവരെ അമ്മയാന വിരട്ടിയോടിച്ചു. ആനയെ കണ്ട് ഭയന്നോടുന്നതിനിടയില്‍ ഗ്രാമവാസികളില്‍ ഒരാള്‍ക്ക് പരിക്കേല്‍ക്കുകയും ചെയ്തിരുന്നു. എന്നാല്‍ വനംവകുപ്പ് അധികൃതരും നാട്ടുകാരും രക്ഷാ പ്രവര്‍ത്തനത്തില്‍ നിന്നും പിന്മാറിയില്ല. ഏറെ നേരം നീണ്ട പരിശ്രമങ്ങള്‍ക്കൊടുവില്‍ കുട്ടിയാനയെ വടം ഉപയോഗിച്ച് പാറകള്‍ക്കിടയില്‍ നിന്നും ഉയര്‍ത്തിയെടുത്തു. രക്ഷപ്പെടുത്തിയ ആനക്കുട്ടിയെ അമ്മയാനയോടൊപ്പം കാട്ടിലേക്ക് മടക്കി അയച്ചു.

168 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close