Life

യുവാക്കള്‍ക്ക് ആരോഗ്യ പരിപാലനത്തിന്റെ സന്ദേശം നല്‍കാന്‍ ഗള്‍ഫില്‍ മാര്‍ത്തോണ്‍ ഓട്ടം സംഘടിപ്പിച്ച് മലയാളി യുവാവ്; 27 മണിക്കൂറുകള്‍ കൊണ്ട് ഓടിയെത്തിയത് 118 കിലോമീറ്റര്‍

കേരളത്തിനും മലയാളികള്‍ക്കും അഭിമാനമാണ് ആകാശ് നമ്പ്യാര്‍ എന്ന മുപ്പതുകാരന്‍. 27 മണിക്കൂറുകള്‍ കൊണ്ട് 118 കിലോമീറ്റര്‍ ഓടിയെത്തിയിരിക്കുകയാണ് ആകാശ്. റിപ്പബ്ലിക് ദിനത്തോട് അനുബന്ധിച്ചാണ് മാരത്തോണ്‍ ഓട്ടക്കാരനായ ആകാശ് ഇത്തരമൊരു ഓട്ടം സംഘടിപ്പിച്ചത്. വളരെ കുറഞ്ഞ സമയം കൊണ്ട് അബുദാബിയില്‍ നിന്നും ദുബായിയിലേക്ക് ആകാശ് ഓടിയെത്തിയത്. യുവാക്കള്‍ക്ക് ആരോഗ്യ പരിപാലനത്തിന്റെ സന്ദേശം നല്‍കുക എന്ന ലക്ഷ്യത്തോടെയാണ് അദ്ദേഹം മാരത്തോണ്‍ ഓട്ടം സംഘടിപ്പിച്ചത്.

ജനുവരി 25 നാണ് ഇ 11 ഹൈവേയിലൂടെ അദ്ദേഹം ഓടാന്‍ തുടങ്ങിയത്. റിപ്പബ്ലിക് ദിനത്തില്‍ ദുബായിയിലെ ഇബ്നു ബത്തൂത്ത മാളില്‍ ഓട്ടം അവസാനിച്ചു. യുഎഇയിലെ യുവാക്കള്‍ക്കിടയില്‍ ആരോഗ്യ പരിപാലനത്തെ കുറിച്ച് ബോധവത്കരണം നടത്തുക എന്ന ഉദ്യേശ്യത്തോടെയാണ് പരിപാടി സംഘടിപ്പിച്ചതെന്ന് ആകാശ് പറയുന്നു.

ആരോഗ്യ പരിപാലനത്തിന് എപ്പോഴും മുന്‍ഗണന നല്‍കുന്ന രാജ്യമാണ് യുഎഇ. എന്നാല്‍ കുറച്ചു കാലങ്ങളായി പ്രമേഹം ഉള്‍പ്പെടെയുള്ള ജീവിത ശൈലീ രോഗങ്ങള്‍ ഇവിടെ വര്‍ധിച്ചു വരുന്നതായി ശ്രദ്ധയില്‍ പെട്ടു. യുവാക്കള്‍ക്കിടയില്‍ അമിത ഭാരവും പുകവലിയും വര്‍ധിച്ചിട്ടുണ്ട്. സുഹൃത്തുക്കളുടെ പ്രേരണയാലാണ് ഓട്ടത്തിലൂടെ ആരോഗ്യ പരിപാലനത്തിന്റെ ആവശ്യകത ബോധ്യപ്പെടുത്താന്‍ ഇറങ്ങി തിരിച്ചതെന്നും ആകാശ് വ്യക്തമാക്കി.

182 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close