ബുക്കാറാമാംഗാ(കൊളംബിയ) : ടോക്കിയോ ഒളിമ്പിക്സിലേക്ക് സാംബാതാളവുമായി നിലവിലെ ചാമ്പ്യന്മാരായ ബ്രസീല് യോഗ്യത നേടി. യോഗ്യതാ മത്സരത്തില് ബദ്ധവൈരികളായ അര്ജ്ജന്റീനയെ എതിരില്ലാത്ത മൂന്ന് ഗോളിന് തകര്ത്താണ് മഞ്ഞപ്പട യോഗ്യത നേടിയത്. രണ്ടുമത്സരങ്ങള് ജയിച്ച അര്ജ്ജന്റീന മുന്നേതന്നെ യോഗ്യത നേടിയിരുന്നു.
2016 റിയോ ഒളിമ്പിക്സ് ചാമ്പ്യന്മാരായ ബ്രസീലിന് യോഗ്യതാമത്സരത്തിലെ കരുത്തുറ്റ ജയം വീറുകൂട്ടും. അര്ജ്ജന്റീന മേഖലിയലെ മറ്റ് മത്സരങ്ങളില് ഉറുഗ്വയേ 3-2നും കൊളംബിയയെ 2-1നും തോല്പ്പിച്ചതോടെയാണ് ഒളിമ്പിക്സിന് യോഗ്യത നേടിയത്.
പൗലീഞ്ഞോയും മാത്യൂസ് കുന്ഹയുടെ ഇരട്ട ഗോളുകളുമാണ് ബ്രസീലിന് മുതല്ക്കൂട്ടായത്.11-ാം മിനിറ്റിലാണ് പൗലീഞ്ഞോ ടീമിനാടി ആദ്യം വലചലിപ്പിച്ചത്.30 മിനിറ്റില് കുന്ഹായുടെ വക രണ്ടാം ഗോളും വീണു. രണ്ടാം പകുതിയുടെ ആദ്യമിനിറ്റില് കുന്ഹാ വീണ്ടും ഗോള് നേടി ബ്രസീലിന്റെ ആധിപത്യം ഉറപ്പിച്ചു.
ടോക്കിയോ ഒളിമ്പിക്സിന് എത്തുന്നതോടെ ബ്രസീലിനിത് 14-ാം ഊഴമാണ്. ഒളിമ്പിക്സ് ചരിത്രത്തില് നിലവിലെ ചാമ്പ്യന്മാര് ഒരു സ്വര്ണ്ണവും മൂന്നു വെള്ളിയും രണ്ടു തവണ വെങ്കലവുമാണ് നേടിയിട്ടുള്ളത്.
