ഓക്‌ലാന്റ് : ഏകദിനപരമ്പര തൂത്തുവാരാന്‍ ന്യൂസിലാന്റ് ഇന്നിറങ്ങുകയാണ്. ആശ്വാസജയത്തോടെ പരമ്പരയില്‍ സജീവമാകേണ്ടത് ഇന്ത്യക്ക് അനിവാര്യമാണ്. മൂന്നാം ഏകദിനത്തില്‍ ടോസ് നേടിയ ആതിഥേയര്‍ ഫീല്‍ഡിംഗ് തിരഞ്ഞെടുത്തിരിക്കുകയാണ്. അവസാന വിവരം കിട്ടുമ്പോള്‍ 113ന്3 എന്ന നിലയിലാണ്. ഓപ്പണ്‍ പൃഥ്വി ഷാ(40) കോഹ് ലി(9) മായങ്ക്(1)എന്നിവരെ പെട്ടന്ന നഷ്ടമായി.എന്നാല്‍ മധ്യനിരയുടെ കരുത്തായ ശ്രേയസ്സ് അയ്യര്‍(40) രാഹുല്‍(28) എന്നിവര്‍ ശക്തമായി നിലയുറപ്പിച്ചിരിക്കുകയാണ്.
ഇന്ത്യയെ എറിഞ്ഞിട്ടും അടിച്ചുതകര്‍ത്തും കിവീസ് ഏകദിനത്തില്‍ നടത്തുന്ന മുന്നേറ്റത്തിന് തടയിടാനുള്ള അവസാന അവസരമാണ് ടീം ഇന്ത്യക്ക് മുന്നിലുള്ളത്. റോസ് ടെയ്‌ലറെന്ന ബാറ്റിംങ്ങ് കരുത്തനെ ഏങ്ങനെ നേരിടണമെന്ന് അറിയാതെ കോഹ്‌ലി ടീം കുഴങ്ങുന്നതിനെ മുതിര്‍ന്ന താരങ്ങള്‍ വിമര്‍ശിച്ചിരുന്നു. ഒപ്പം മധ്യനിരയിലേയും വാലറ്റത്തേയും വിക്കറ്റുകള്‍ വീഴ്‌ത്താനറിയുന്ന ഒരു ബൗളറുടെ അഭാവവും പ്രകടമാണ്. രാഹുല്‍ കഴിഞ്ഞ കളിയില്‍ നിറം മങ്ങിയതും ഇന്ത്യക്ക് തലവേദനയായി. ആകെ മൂന്നുമത്സരങ്ങള്‍ മാത്രമുള്ള ഏകദിന പരമ്പര നിലവില്‍ കിവീസ് കയ്യടിക്കികഴിഞ്ഞു.
.
