ബംഗളൂരു: ഉസൈന് ബോള്ട്ടിനെ വരെ പിന്നിലാക്കുന്ന പ്രകടനം കാഴ്ച്ച വെച്ച ഒരു കാളയോട്ടക്കാരനാണ് ഇപ്പോള് സാമൂഹ്യ മാദ്ധ്യമങ്ങളിലെ താരം. വേഗരാജാവായ ഉസൈന് ബോള്ട്ടിനെ വരെ പിന്നിലാക്കുന്ന പ്രകടനമാണ് കര്ണാടകയിലെ മൂഡബദ്രി സ്വദേശിയായ ശ്രീനിവാസ ഗൗഡ എന്ന യുവാവിന്റേത്. ദക്ഷിണ കന്നഡയിലെ ഉഡുപ്പിയില് നടന്ന കാളപ്പൂട്ട് മത്സരത്തിനിടെയായിരുന്നു കാളയോട്ടക്കാരനായ ശ്രീനിവാസ ഗൗഡയുടെ മിന്നുന്ന പ്രകടനം.
13.62 സെക്കന്റുകള് കൊണ്ട് ശ്രീനിവാസ ഗൗഡ ഓടിയത് 142.5 മീറ്റര് ദൂരമാണ്. ഇതില് 100 മീറ്റര് പിന്നിട്ടത് വെറും 9.55 സെക്കന്റുകള് കൊണ്ടാണ്. വേഗരാജാവ് ഉസൈന് ബോള്ട്ട് 100 മീറ്റര് പിന്നിടാന് എടുത്ത സമയം 9.58 സെക്കന്റാണ്.
ഉസൈന് ബോള്ട്ടുമായി മത്സരിച്ചാല് ഈ കാളയോട്ടക്കാരന് നിഷ്പ്രയാസം ജയിക്കുമെന്നാണ് സാമൂഹ്യ മാദ്ധ്യമങ്ങളില് നിറയുന്ന കമന്റുകള്. ചെളിയിലൂടെ ഓടുന്നതിനേക്കാള് നിഷ്പ്രയാസം ട്രാക്കിലൂടെ ഓടാന് കഴിയുമെന്നും ഇവര് പറയുന്നു. കാളപ്പൂട്ട് മത്സരത്തിലെ തന്നെ 30 വര്ഷം പഴക്കമുള്ള റെക്കോര്ഡും ശ്രീനിവാസ ഗൗഡ മറികടന്നു. 29 മെഡലുകള് 12 മത്സരങ്ങളില് നിന്നായി ഗൗഡ കരസ്ഥമാക്കിയിട്ടുണ്ട്. ചെറുപ്പം മുതല് തന്നെ ഗൗഡയ
