ജോഹന്നാസ്ബര്ഗ്ഗ്: ദക്ഷിണാഫ്രിക്കന് ക്രിക്കറ്റ് നായകസ്ഥാനം ഡ്യൂപ്ലെസിസ് രാജിവച്ചു.ടീമിനെ ഒരു ഫോര്മാറ്റിലും നയിക്കാനില്ലെന്ന് ഫാഫ് ഡൂപ്ലെസിസ് അറിയിച്ചു. ടീമില് നിന്ന് വിട്ടുനില്ക്കാന് ഉദ്ദേശിച്ചിട്ടില്ലെന്നറിയിച്ച താരം നായകനെന്ന് നിലയില് മറ്റാരെയെങ്കിലും പരിഗണിക്കണമെന്നറിയിച്ചു. ഇംഗ്ലണ്ടിനെതിരെ ടീം അത്യാവശ്യം നന്നായി കളിക്കുന്നതിനിടെയാണ് ഡ്യൂപ്ലെസിസ് രാജിവച്ചത്. രാജിവാര്ത്ത ക്രിക്കറ്റ് ബോര്ഡ് ശരിവച്ചു.
ടീമില് നിരവധി യുവതാരങ്ങളുണ്ട്. അവര്ക്കൊക്കെ അവസരം കിട്ടാനാണ് രാജിയെന്നും ഡ്യൂപ്ലെസിസ് പറഞ്ഞു. ‘ പുതിയ താരങ്ങള് വ്യത്യസ്തമായി ചിന്തിക്കുന്നവരും സഞ്ചരിക്കുന്നവരുമാണ്. നായകസ്ഥാനത്തുനിന്നും മാറേണ്ട സമയമിതാണെന്ന് തോന്നുന്നു. തീരുമാനം കടുത്തതതായിരുന്നു. എന്നാല് ക്വിന്റനെ പിന്തുണച്ച് താന് കൂടെയുണ്ടാകും’ ഡ്യൂപ്ലെസിസ് പറഞ്ഞു.
ഇംഗ്ലണ്ടിനെതിരെ ടെസ്റ്റ് പരമ്പര 3-1ന് നഷ്ടമായ ശേഷം ഏകദിന-ടി20 പരമ്പരകളില് ഡ്യൂപ്ലെസിസ വിശ്രമത്തിലായിരുന്നു. ഏതായാലും ഓസ്ട്രേലിയയില് നടക്കാനിരിക്കുന്ന ടി20 ലോകകപ്പിന് ശേഷം ടി20യില് നിന്ന് വിരമിക്കുമെന്ന് ഡ്യൂപ്ലെസിസ് വ്യക്തമാക്കിയിരുന്നു.
