വെല്ലിംഗ്ണ്: ആവേശകരമായ ഏകദിന-ട്വന്റി20 പരമ്പരകള്ക്കു പിന്നാലെ ഇന്ത്യ-ന്യൂസിലന്ഡ് ടെസ്റ്റ് പരമ്പര വ്യാഴാഴ്ച ആരംഭിക്കും. ട്വന്റി20 പരമ്പര ഇന്ത്യ തൂത്തുവാരിയപ്പോള് ഏകദിന പരമ്പര സ്വന്തമാക്കിയാണ് ആതിഥേയര് കണക്കു തീര്ത്തത്. എന്നാല് ആദ്യ ടെസ്റ്റിനു മുന്നേ തന്നെ ഇന്ത്യന് നായകന് വിരാട് കോഹ്ലിയെ വെല്ലുവിളിച്ച് ന്യൂസിലന്ഡ് സ്റ്റാര് പേസര് ട്രെന്ഡ് ബോള്ട്ട് രംഗത്തെത്തി.
കോഹ്ലിയെപ്പോലെ കേമന്മാരായ താരങ്ങളുടെ വിക്കറ്റെടുക്കാനാണ് താന് ഇഷ്ടപ്പെടുന്നത്. വിരാട് കോഹ്ലിയുടെ വിക്കറ്റാണ് ടെസ്റ്റ് പരമ്പരയില് ലക്ഷ്യമിടുന്നതെന്നും കോഹ്ലിക്കെതിരെ കളിക്കാന് പോകുന്നതിന്റെ ത്രില്ലിലാണ് താനെന്നും ബോള്ട്ട് വെളിപ്പെടുത്തി. കോഹ്ലി അസാധാരണ മികവുള്ള മഹാനായ കളിക്കാരനാണെന്നും ബോള്ട്ട് കൂട്ടിച്ചേര്ത്തു.
വെല്ലിംഗ്ടണില് നടക്കുന്ന ആദ്യ മത്സരത്തിനായി ബൗളര്മാരെ തുണയ്ക്കുന്ന പിച്ചാണ് തയ്യാറാക്കിയിരിക്കുന്നത്. അതിനാല് തന്നെ ഇന്ത്യന് ബാറ്റ്സ്മാന്മാര്
ബോള്ട്ടിനെ എങ്ങനെ നേരിടുമെന്നതിനെ ആശ്രയിച്ചിരിക്കും പരമ്പരയില് ഇന്ത്യയുടെ വിജയസാധ്യതകളെന്ന കാര്യത്തില് സംശയമില്ല. പരിക്ക് കാരണം ഏകദിന-ട്വന്റി20 പരമ്പരകള് ബോള്ട്ടിന് നഷ്ടമായിരുന്നു. ടെസ്റ്റ് പരമ്പരയിലൂടെ ഉജ്ജ്വല തിരിച്ചുവരവിനാകും ബോള്ട്ട് ലക്ഷ്യമിടുന്നത്.